Almatyda balalar men jasóspirimderge arnalǵan halyqaralyq «Meniń qalam- Almaty» týrısik ekspedısıasy ótedi, dep habarlaıdy Qamshy.kz aqparat agenttigi.

«Almataý» týrısik  bazasy aýmaǵynda  2017 jyldyń 25 shildesinen 6 tamyz aralyǵynda «Rýhanı jańǵyrý»  baǵdarlamasy men «Meniń Otanym - Qazaqstan» respýblıkalyq ekspedısıasy aıasynda Almaty qalasynyń  Týrızm jáne  syrtqy baılanys basqarmasy Sporttyq týrızm jáne týrısik kópsaıys federasıasymen birge balalar men jasóspirimderdiń «Meniń qalam - Almaty» halyqaralyq» týrısik ekspedısıasyn ótkizedi.

«Sharanyń maqsaty - týrısik qyzmetti jandandyrý,  oqýshylar men kolejder, joǵary oqý oryndary stýdentteriniń arasynda sport pen salaýatty ómir saltynyń negizi retinde týrızmdi keńinen nasıhattaý», delingen habarlamada.

Ekspedısıa sharaǵa qatysýshy komandalar arasynda týrısik joryqtar dárejesi negizinde ótedi.

Ekspedısıa baǵdarlamasynda taý bókterlerindegi jarystar, týrnırler men ólke taný sharalary qarastyrylǵan. Bıyl  ekspedısıanyń bazalyq lageri İle Alataýy ulttyq parki aýmaǵyndaǵy «Almataý» týrısik bazasy.

Ekspedısıaǵa qatysýǵa mektep oqýshylary, kolejder men joǵary oqý oryndarynyń stýdentteri, qosymsha bilim júıesiniń, sport mektepteriniń Qazaqstannyń túrli óńirleriniń qoǵamdyq týrısik birlestikteriniń jáne TMD elderi men sheteldik týrısik uıymdardyń ókilderi shaqyrylǵan. Bulardyń barlyǵy dárigerlik baqylaýdan ótkender jáne týrısik tájirıbe jınaqtaǵandar.

Qatysýshy komandalarǵa tıisti  sertıfıkattar, jeńimpazdarǵa dıplomdar men gramotalar tabystalady. Ekspedısıalyq joryqty oıdaǵydaı júzege asyrǵandar da marapattalady.

Týrısik shara «Almataý» týrısik bazasynda 26 shildede saǵat 18.00-de ashylady. Saltanatty jabylýy 6 tamyzda ótedi.