Almatyda qalany abattandyrýdyń ınteraktıvti kartasy paıda boldy, dep habarlaıdy Qamshy.kz aqparat agenttigi.

Endi almatylyqtar qaladaǵy kósheler men trotýarlarda, aryqtar men jylý júıelerinde jóndeý jumystary qashan, qaı jerlerde júrgiziletinin aldyn ala biletin bolady. Aıta keteıik, qalada «Open Almaty» júıesi júzege asyrylyp jatyr.

«Qala turǵyndary qaı aýlada, qaı mekenjaıda jóndeý jumystary júretinin bile alady. Bul bólimdegi aqparattar jańaryp otyrady. Jaqyn ýaqytta aıaldama keshenderin ornalastyrý boıynsha aqparat jáne PIK kartasyn salamyz», deıdi «Open Almaty» jobasynyń resmı ókili Erkebulan Kenjebolatov.

Esterińizge sala ketsek, mamayr aıynda "Almatylyqtar qala bıligimen ınteraktıvti taqta arqyly baılanysatyn bolady" degen aqparat taraǵan bolatyn. 

Smart City tujyrymdamasyn iske asyrý aıasynda qosylǵan  «Open Almaty»  jobasy Almaty qalasy turǵyndary, kásiporyndar men kelýshilerge ómirlik jaǵdaılardy sheshýge kómektesýge baǵyttalǵan.

Sondaı-aq, ashyq esik qaǵıdaty boıynsha ákimshiliktiń halyqqa qoljetimdiligin arttyra túspek.

Mamandardyń aıtýynsha, bul qoǵamdyq qabyldaý ortalyǵy bir shańyraqtyń astynda ákimdiktiń qoǵamdyq qabyldaý ortalyǵyn, ınvestorlarǵa qyzmet kórsetý ortalyǵyn, týrısik ortalyqty, MJÁ ortalyǵyn, ákimshiliktiń biryńǵaı qońyraý-ortalyǵyn, sondaı-aq azamattardyń ótinishterin qaraıtyn quzyrly organ qyzmetkerlerin biriktiredi.