Jolaýshy tasymalymen aınalysatyndardyń pikirinshe, Almatyda qoǵamdyq kólikterge engiziletin baǵa aıyrmashylyqtary júrgizýshilerdiń jumysyna baqylaýdy kúsheıtedi. Bul týraly «AvtoTransGaz» JSHS-niń Eksplýatasıa boıynsha dırektorynyń orynbasary Baqytjan Ryspaev málimdedi, dep habarlaıdy Qamshy.kz aqparat agenttigi.

Almatyda qoǵamdyq kólikterdi paıdalanýshylar úshin 1 tamyzdan bastap jańalyqtar engiziledi. «Ońaı» kartasyn qoldanbaı, qolma qol aqshamen esep aıyrsqysy keletinder endi avtobýstar men troleıbýstarda 150 teńge tóleıtin. Burynǵy 80 teńgelik tarıf «Ońaı» kartasy arqyly tólem engizetinder úshin sol qalpynda saqtalmaq. «Ońaı» kartasyndaǵy jeńildikter de ózgertilmeıdi. Ózgeris metro boıynsha da engizilmeıdi. Jolaýshy tasymalymen aınalysatyndar qolma qol aqsha tóleý júıesinen góri «Ońaımen» esep aıyrysý júıesi jolaýshy tasymalynyń sapasyn arttyrmaq.

«Jolaýshylar karta arqyly tólese jaqsy bolady. Sonyń arqasynda biz sol kúngi tabysty birden bilip otyramyz. Ekinshiden, rúlge ıe bolýy kerek júrgizýshiler esepshiniń róline enýin qoıady», - dedi dırektordyń orynbasary.

Bul reformada avtopark júrgizýshilerdi de yntalandyrý jaǵyn oılastyryp otyr.

«Elektrondyq júıe arqyly ótken ár tranzaksıa úshin ol bılet berý arqyly bola ma, joq, «Ońaı» arqyly bola ma, júrgizýshiniń jalaqysyna qosymsha aqsha qosylady», - dedi sala mamany.

Avtopark basshylarynyń aıtýynsha, tártip basty másele bolyp qala beredi.

«Kún saıyn keshte kolonna basshylary júrgizýshilermen jınalys ótkizip turady, sógis jarıalaý, jumystan shyǵarý sekildi qatań sharalardy qoldanamyz, onyń ishinde kishkentaı da bolsyn jol erejensin buzý faktisi nazardan tys qalmaıdy», - deıdi B.Ryspaev.

«Qazirgi ýaqytta bizdiń revızorlar jaýapkershiligi az júrgizýshilerdi anyqtap jatyr. 1 tamyzdan bastap, qala boıynsha baqylaý sharalary kúsheıtilmek. Aldyn ala málimet boıynsha, qalada 300 adam qoǵamdyq kólikterdegi tólem júıesine baqylaý jasaıtyn bolady», - dedi ol.

Baqytjan Ryspaevtyń oıynsha, baǵalardaǵy aıyrmashalyq júrgizýshilerdi yntalandyryp qana qoımaı, taza, ádil jumystyń aýqymyn arttyra túsedi.

Aıta keteıik, «AvtoTransGaz» JSHS transport salasynda 2016 jyldan beri jumys jasap keledi. Kompanıa 3,7 mlrd teńgege 135 avtobýs alǵan.