Almatyda ótip jatqan halyqaralyq «International Mountain Sports Festival» festıvalinde andoralyq sarapshy, PGI Management kompanıasynyń basqarýshy dırektory Djoan Vıladomat suhbatynda Almatynyń taý-shańǵy sportyna 7 mln týrıs tartýǵa bolatynyn aıtty, dep habarlaıdy Qamshy.kz aqparat agenttigi.

- Búgingi forýmǵa siz qandaı tájirıbeńizben bólisý úshin keldińiz?

-Adamdar taý-shańǵy sporty boıynsha kýrorttardy damytý barysynda kóp qatelikter jasaıdy. Biz solardyń aldyn alýǵa kómektesemiz. Shymbulaqtyń da qateligi kóp boldy, biraq qazirgi ýaqytta durys damý jolyna túsken. Sál tarıhqa sheginis jasaıyn, Andora óte kedeı memleket bolǵan. Qazir qarasańyz taý-shańǵy demalys oryndary arqasynda onyń ekonomıkasy jaqsy damyǵan. Andorada balalar 10 jasynan taý-shańǵy sportymen aınalysady. Meniń ákem Andorada alǵashqy bolyp, taý-shańǵy demylys ornyn 1953 jyly ashqan. Ol qazir damyp úlken bızneske aınaldy. Qazaqstan ınvestısıa salyp, osy salany damytýǵa kúsh salýy kerek, onyń mehanızmderi óte kóp.

- Taý-shańǵy sportyna qansha adam tartýǵa bolady?

- Andoraǵa jylyna 2,5 mln adam taý-shańǵy sportymen aınalysýǵa keledi. Sol qonaqtardyń 5 paıyzy reseılikter. Almatyda eger osy sala damysa, Reseıdegi taý-shańǵy sportymen aınalysatyndar Evropaǵa barǵannan góri osynda aǵylar edi.

- Almatydaǵy taý-shańǵy sportyn damytý úshin sizdiń oıyńyzsha neden bastaý kerek?

- Infraqurylymdy damytý kerek. Kýrorttardyń sanyn kóbeıtý kerek. Taý-shańǵy sporty boıynsha qyzmet qol jetimdi bolýy kerek.

- Djoan myrza, baıandamyńyzda Almatyǵa taý-shańǵy sportyna jylyna 7 mln týrıs tartýǵa múmkindigi bar ekenin aıttyńyz, osyny tarqatyp, saraptamańyzǵa negiz bolǵan sebepterin aıtsańyz...

-  Sizderde usynys bolsa, adamdar mindetti túrde keledi. Úndistan, Qytaı, Reseıdiń týrıseri sózsiz keledi. Biz muny eseptep kórdik. Almaty Úndistan men Qytaı týrıseriniń qyzyǵýshylyǵyn arttyrary sózsiz. Mysaly bizdiń Argentınadaǵy kýrortymyzǵa qytaılyqtar keledi, olar úshin taý-shańǵy sporty damyǵan Almatyǵa kelý tıimdirek bolady. Sol úshin myqty ınfraqurylym men kóbirek kýrorttar salý kerek.

- Siz qolyńyzdaǵy málimetterge qaraı otyryp, Almatynyń taý-shańǵy sportynyń áleýetin qalaı baǵalar edińiz? 

-  Birinshiden, áýejaı qalaǵa jaqyn, ol - jaqsy. Ekinshiden, ınvestısıa salý kerek qoryqpaı. Úndistan men Qytaı týrıserin tartatyndaı jarnamany jaqsartý kerek. Sizderde keremet taýlar bar, ásem tabıǵat bar, bul - eń bastysy. Almatydaǵy kýrorttar Eýropanyń deńgeıin jetken joq. Shymbulaq salystyrmaly túrde alyp qarasaq, úlken kýrort orny emes. Sondyqtan, adamdardy barynsha mol tartý úshin tek taý-shańǵy sporty emes, ózge de sport túrlerin kóbeıtý qajet. Mysaly, gólf kortyn uıymdastyrýǵa bolady. Sport túri, kórsetiletin qyzmet túri san alýan bolsa, týrıser tartylady. Bizdiń konsaltıńtik kompanıamyz Ázerbaıjanda qyzmet etip jatyr, 10 adamymyz qyzmet kórsetý, damytý jaǵynan kómektesýge attanǵan. Bul máselede bizde daıyn strategıa bar.

-Qazaqstandyq kompanıalarmen baılanys ornatý jaǵynan qandaıda kelisimshart jasaldy ma?

-Joq, biz, osy forýmǵa sondaı úmitpen keldik. Biz Shymbulaqpen birge jumys isteımiz, biraq aramyzda eshqandaı kelisimshart joq.

-Qyzmet qundaryńyz qanshalyqty ekenin bilýge bolady ma?

-Kýrorttan tabatyn tabyspen salystyrǵanda bizdiń konsaltıń qyzmetimizdiń quny tómen bolyp kórinedi.

-Ýaqyt bólip suhbattasqanyńyzǵa rahmet!