II býyndaǵy elektrbýs Almaty turǵyndary men qonaqtaryn bastapqyda tegin tasymaldaıtyn bolady, - dep habarlaıdy Qamshy.kz aqparat agenttigi. 

Almatyda álemde balamasy joq 18 metrlik elektrobýs jurtshylyqqa tanystyryldy. Kólikti Germanıanyń Eurobus avtokonserni jasady. Mundaı avtobýstardyń tek altaýy jasap shyǵarylǵan, al altynshysy Almatyǵa jetkizildi. 

Búgin osy modeldegi avtobýstar Evropanyń Berlın, Madrıd, Oslo, Gambýrg qalalary men qosa Almatyda testilik synaqtan ótkizilip jatyr.

"Avtobýstyń bul túri jeńil balqytylǵan karkastan jańa tehnologıa boıynsha jasalǵan, sonyń arqasynda salmaǵy jeńil ári senimdi, jasalýy da tez.18 metrli avtobýs árqaısysy 200 den 500 kVt/saǵat bolatyn úsh akýmýlátorlarmen jabdyqtalǵan, bir ret zarádtalǵan soń 300 km jol júredi, ortasha ýaqyty segiz saǵat. Tómen edendi avtobýs vıdeobaqylaýmen, kondısıonermen, jylytý júıesimen jabdyqtalǵan, jolaýshylar úshin munda barlyq jaǵdaılar jasalǵan ári túrli óńirdegi kontınentaldi klımatqa tózimdi. Oǵan 120 jolaýshy sıady, sonymen qatar múmkindigi shekteýil jandar úshin kótergish te bar. Almatyda avtobýs qala qonaqtary men turǵyndary úshin bir týrısik baǵytta testilik keste boıynsha júredi. Avtobýs jeke ınvestordyń qarjysyna alynǵan", - deıdi qala ákimdiginiń baspasóz qyzmetininiń ókilderi. 

FalconEuroBus kompanıasynyń dırektory, Almaty máslıhatynyń depýtaty Murat Ádilhanovtyń málimeti boıynsha, elektrbýs kelesi aptadan bastap jolǵa qoıylyp, jolaýshylardy tegin tasymaldaıtyn bolady. Rásimdeý prosedýrasy aıaqtalǵannan keıin jol júrý baǵasy 150 teńgeden qymbat bolmaıdy. Onda "Ońaı" júıesi ornatylmaıdy.