Qazir shet elden keletin etnıkalyq qazaqtardan sottalmaǵany týraly anyqtamany talap etpeý máselesi qaralyp jatyr, dep habarlaıdy Qamshy.kz aqparat agenttigi 24.kz-ke silteme jasaı otyryp.
Bul Elbasynyń tikeleı tapsyrmasy. Memleket basshysy Dúnıejúzi qazaqtarynyń 5-quryltaıynda aıtqan quziretti organdarǵa osyndaı mindet júktegen edi. Ásirese, bul Qytaı Halyq Respýblıkasynan atamekenine oralyp jatqan qandastarymyzǵa qatysty aıtylǵan bolatyn. Sebebi Qytaı eliniń zańynda sottalmaǵan degen anyqtama berilmeıdi. Al sottalǵan azamatqa shekaradan shyǵýǵa tyıym salynǵan.
«Qytaı Halyq Respýblıkasynan kelgen etnıkalyq qazaqtardan, sol eldiń azamaty bolyp tabylatyn qazaqtardan osy sottylyǵynyń bar-joǵy týraly anyqtamany talap etpeý jóninde is-sharalar júrgizilip jatyr. Bul jóninde qandaı quqyqtyq, qandaı normatıvtik quqyqtyq zańnamalarǵa, aktilerge ózgerister engizýge bolatyndyǵy týraly saraptamalar júrgizilýde. Búgingi kúni memlekettik organdarǵa kelisýge jobalar jiberildi», - dedi QR İİM kóshi-qon qyzmeti komıtetiniń aǵa ınspektory Gúlmıra Álıaıdarqyzy.
