San-Fransıskonyń eń úlken saıabaqtarynyń birinde belgisiz bir er adam oq jaýdyryp, nátıjesinde úsh adam jaraqat alǵan, dep habarlaıdy Qamshy.kz aqparat agenttigi apnews.com saıtyna silteme jasap.

Qylmysker oqıǵa ornynan izin sýytyp úlgergen, qazir ony polısıa qyzmetkerleri izdestirip jatyr. Jaraqat alǵandardyń biri óte aýyr halde aýrýhanaǵa túsken.

Qala ortalyǵynda ornalasqan «Dolores» saıabaǵy jergilikti turǵyndar men týrıserdiń óte kóp keletin mekeni bolyp tabylady, kóptegen adamdar sol jerde kúnge qyzdyrylyp, qalanyń sulýlyǵyna tamsana qarap otyra alady.

Oqıǵa kýágerleriniń aıtýynsha, saıabaqta júrgenderdiń kópshiligi muny alǵashynda ot shashý dep oılaǵan. Keıinnen bireýdiń oq atyp júrgenin bilgennen soń adamdar dúrbeleńge salyp, jan-jaqqa qasha bastaǵan.