Sırıa prezıdenti Bashar Asad áskeri "Islam memleketi" terorıstik tobynyń Homs provınsıasyndaǵy sońǵy turaǵyn basyp aldy. Bul týraly Qamshy.kz aqparat agenttigi centralasian.org saıtyna silteme jasap habarlaıdy.
Ejelgi Palmıra qalasynan soltústik-shyǵysqa qaraı 70 shaqyrym jerde ornalasqan Ál-Sýhna qalasy sırıalyq úkimet áskeriniń baqylaýyna ótti. Sol arqyly Deır-Ezzor qalasyna jol ashyldy. Bul qalany úkimet áskeri sodyrlardan 2015 jyldan beri qorǵap keldi.
Adam quqyǵynyń saqtalýyn qadaǵalaıtyn sırıalyq ortalyq málimetine qaraǵanda, úkimet áskeri qalany 5 tamyzda basyp aldy. Oǵan reseılik avıasıa kómektesken.
Memlekettik SANA aqparat agenttiginiń habarlaýynsha, sırıalyq úkimet áskeri qalany úsh jaqtan qorshaýǵa alǵan. Mamyr aıynan beri Asad kúshteri Reseıdiń qoldaýymen keń aýqymdy áskerı naýqan ótkizip keledi. AQSH qoldaýyna ıe sırıalyq opozısıa Rakka qalasynyń jarymynan astam aýmaǵyna baqylaý ornatqan. Bul qalany "Islam memleketi" óziniń astanasy retinde jarıalaǵan edi.
Pikir qaldyrý