Aqmola oblystyq Tótenshe jaǵdaılar departamenti kishkentaı balalardy jalǵyz qaldyrmaýdy suraıdy, dep habarlaıdy Qamshy.kz aqparat agenttigi Tengrinews.kz saıtyna silteme jasap.

Tótenshe jaǵdaılar departamentiniń málimetinshe, kóptegen ata-ana balalary úshin ashyq tereze ólim qaýip-qaterin tóndirýi múmkin ekendigin umytyp ketedi. 

"Ádette kóptegen jaǵdaılarda balalar ártúrli zattardy paıdalana otyryp, óz betinshe tereze aldy taqtaıyna shyǵady, moskıtti torǵa súıene otyryp, terezeden onymen birge qulap ketken. Sondaı-aq, kóbinese qulaýdyń sebebi eresekter balalardyń júris-turysyn qadaǵalamaýynan, týystary men jaqyndarynyń alańdamaýy, terezeni jabýdy umytyp ketý, jıhazdy durys ornalastyrmaý, bul balalardyń óz betinshe tereze shyǵýyna múmkindik beredi jáne ol jabyq terezesin týǵyzdyratyn moskıtti tordyń bolýyna baılanysty",– dep habarlady Aqmola oblystyq TJD ókilderi.

Bıyl 2-toqsanda respýblıka boıynsha terezeden adam qulaǵan 31 oqıǵa (barlyǵy balalar) bolǵanyn atap ótken jón. Sonyń saldarynan 7 bala qaıtys bolyp, 24 bala ár túrli jaraqatymen emdeý mekemelerine jatqyzylǵan.

Qaıǵyly jaǵdaılardy boldyrmaý úshin Aqmola oblysy Tótenshe jaǵdaılar departamenti qaýipsizdik sharalaryn múmkindiginshe saqtaý týraly qala turǵyndary men qonaqtaryn eskertedi.

"1. Kishkentaı balalardy jalǵyz qaldyrmańyzdar; 2. Bala terezege mine almaıtyndaı qylyp, terezeden barlyq jıhaz túrlerin jyljytyńyz; 3.Moskıtti torǵa senbeńiz! Olar balalardy qulaýdan qorǵaý úshin arnalmaǵan, kerisinshe jalǵan qaýipsiz sezim qaldyrady. Óte jıi balalar tormen birge qulaıdy; 4. Múmkindiginshe terezelerdi tómengi jaǵynan emes, joǵary jaǵynan ashyńyz; 5. Terezelerge arnaıy bekitpeni ornatyńyz, olar balaǵa terezeni birneshe santımetrden artyq ashýǵa múmkindik bermeıdi; 6. Eger Siz balaǵa terezeden bir nárse kórsetseńiz, balany kıiminen ustamaı, balanyń jyldam qozǵalysyna daıyn bolyp, ony árqashan myqty ustańyz", – dep eskertti TJD ókilderi.

Sondaı-aq, qaýip paıda bolǵan kezde jáne qutqarý qyzmetiniń qajettigi týraly mańyzdy aqparatty habarlaý úshin Aqmola oblysy Tótenshe jaǵdaılar departamentiniń biryńǵaı kezekshi-dıspecherlik qyzmet basqarmasyna 112 telefon nómiri arqyly habarlasýdy suraıdy.