Búgin QR premer-mınıstri Baqytjan Saǵyntaevtyń tóraǵalyǵymen ótken QR Úkimetiniń otyrysynda QR aýyl sharýashylyǵy birinshi vıse-mınıstri Qaırat Aıtýǵanovtyń ónimdi jumyspen qamtý jáne jappaı kásipkerlikti damytý barysy týraly esebi tyńdaldy dep habarlaıdy Qamshy.kz aqparat agenttigi.

Qaırat Aıtýǵanov bıyl Baǵdarlamany iske asyrýǵa tómendegi qarajattyń qarastyrylǵanyn aıtty:

27,1 mlrd teńge – shaǵyn nesıelendirýge búdjettik nesıe;

2,8 mlrd teńge – shaǵyn nesıelerdi kepildendirý;

418 mln teńge – HQU operasıalyq shyǵyndaryn sýbsıdıalaý.

Budan ózge, «Aýyl sharýashylyǵyn qarjylaı qoldaý qory» AQ jarǵylyq kapıtaly aýyl sharýashylyǵy kooperasıalaryn shaǵyn nesıelendirý úshin 25,4 mlrd teńgege tolyqtyryldy.

2017 jylǵy 1 tamyzdaǵy jaǵdaı boıynsha Baǵdarlama boıynsha qarastyrylǵan 27,1 mlrd teńgeniń 11,7 mlrd teńgesi (43%) ıgerildi. 2 602 shaǵyn nesıe berildi, sonyń ishinde 1 213 shaǵyn nesıe kooperatıvterge sút daıyndaýǵa jáne otbasylyq STF ashýǵa 5,1 mlrd teńge somasynda; 647 shaǵyn nesıe kooperatıvterge mal bordaqylaý alańdaryn qurýǵa 1,8 mlrd teńge somasynda; 742 shaǵyn nesıe ózge baǵyttar boıynsha 4,8 mlrd teńge somasynda berildi.  

Osy sharalardyń arqasynda 6 384 jumys orny ashyldy, 4 083 jańa JK tirkeldi, 4 254 startap joba qarjylandyryldy.

Sondaı-aq, aýyl sharýashylyǵyn qarjylaı qoldaý qorynyń jarǵylyq kapıtalyn tolyqtyrýǵa bólingen qarajattar esebinen 3 704 shaǵyn nesıe berildi, sonyń ishinde 1 454 shaǵyn nesıe kooperatıvterge sút daıyndaýǵa jáne otbasylyq STF ashýǵa 4,6 mlrd teńge somasynda; 2 171 shaǵyn nesıe kooperatıvterge et óndirýge jáne daıyndaýǵa, bordaqylaý alańdaryn qurýǵa 6,5 mlrd teńge somasynda; 79 shaǵyn nesıe kooperatıvterge jemis-kókónis ósirýge jáne bal, qus etin jáne eshki sútin óndirýge 3,1 mlrd teńge somasynda berildi. Igerý kólemi 14,1 mlrd teńgeni nemese 56%-dy quraıdy.

Jalpy, júrgizilip jatqan jumystar aıasynda 53,5 myńnan astam ÓQSH qamtyǵan 517 kooperatıv quryldy, solardyń ishinde 173 kooperatıv sút daıyndaý, 281 kooperatıv et óndirip, daıyndaý boıynsha, 41-i jemis-kókónis ósirý, 22-si jún, shubat óndirý, qus etin, bal óndirý, baq sharýashylyǵy men taýarly balyq sharýashylyǵy boıynsha quryldy, sonymen qatar 30 573 iri qara malǵa arnalǵan 1 835 otbasylyq bordaqylaý alańy ashyldy.