Búgin QR Premer-Mınıstri Baqytjan Saǵyntaevtyń tóraǵalyǵymen ótip jatqan Úkimet otyrysy barysynda 2017-2020 jyldarǵa arnalǵan Ónimdi jumys jáne jappaı kásipkerlik baǵdarlamasyn júzege asyrý aıasynda QR Bilim jáne ǵylym mınıstrliginiń esebi qaraldy dep habarlaıdy Qamshy.kz aqparat agenttigi.  

Erlan Saǵadıev mınıstrliktiń Baǵdarlama aıasynda eńbek naryǵynyń talaptaryn eskerýmen tehnıkalyq jáne kásiptik bilimi bar kadrlar daıarlaýdy iske asyrýǵa jalpy úılestirý men monıtorıń júrgizetinin baıandady. Máselen, 2017 jyl men 2021 jyl aralyǵynda atalǵan baǵyt boıynsha Baǵdarlama aıasynda 320,5 myń adam tartylatyn bolady. 

Sonymen qatar, aımaqtarda kadrlar daıarlaýǵa úmitkerler tizimin quratyn 1844 mobıldi top quryldy. 586 biliktilik boıynsha jumysshy kadrlaryn (servıs jáne qyzmet kórsetý, tehnıkalyq, tehnologıalyq, aýyl sharýashylyǵy) daıarlaý úshin 317 bilim berý uıymymen 271 basymdyqty mamandyqtan turatyn tizim anyqtaldy.