AQSH pen Soltústik Koreıa arasyndaǵy áskerı-dıplomatıalyq qaqtyǵystardyń órshýi saldarynan qor bırjasynyń úsh kúnnen beri tómendeýi baıqalady dep jazady Qamshy.kz aqparat agenttigi. Beısenbi kúni Dow Jones Industrial Average jetekshi ındeksi sońǵy úsh aıda eń úlken toqyraýǵa ushyrady.
AQSH prezıdenti Tramptyń Phenánǵa qatysty sońǵy málimdemesi naryq qatysýshylarynyń úreıin týǵyzdy. Eger Phenán Amerıka men eldiń odaqtastaryna shabýyl jasaýdy josparlasa, Donald Tramp jaǵdaıdyń ýshyǵýy múmkin ekenin, Soltústik Koreıanyń úlken keleńsizdikke ushyraıtynyn eskertken.
Onyń ústine beısenbide Brent markasyndaǵy munaı baǵasy bir barel úshin 52,54 dollarǵa deıin tómendegen.
Aıta keteıik, Phenán Tynyq muhıty jaǵalaýyndaǵy Gýam aralynda ornalasqan amerıkalyq áskerı bazaǵa soqqy jasaý jospary jaıynda habarlaǵan. Jospar boıynsha soqqy berý tamyzdyń ortasyna josparlanǵan.
Pikir qaldyrý