Ol úshin Qytaıda qajetti tetiktiń barlyǵy bar dep habarlaıdy Qamshy.kz aqparat agenttigi Global Times-qa silteme jasap.

Fýndan ýnıversıtetiniń (Shanhaı) dırektory Chjen Szıýnnyń aıtýynsha, eki el arasynda shıelenis bolsa, KHDR zardap shegedi. Sondyqtan, Koreı túbegindegi turaqtylyqty saqtaý – eń aldymen Phenán úshin tıimdi ekenin aıtty.

Onyń bul pikirimen QHR-dyń áskerı zymyran salasynyń beldi sarapshysy Sýn Chjýnpın de kelisti.

"Hvason" zymyranyn daıyndaý úshin kóp ýaqyt kerek. Sol merzimde AQSH pen onyń odaqtastarynyń ǵaryshtyq spýtnıkteri oqtyqtardy ańdyp, ony joıyp jiberetindeı jaǵdaıǵa jetedi", – dedi Sýn Chjýnpın.

Aıta keteıik, seısenbi kúni AQSH prezıdenti Donald Tramp jýrnalıserge KHDR-dyń AQSH-qa qoqan-loqy kórsetýdiń qajeti joq ekenin aıtqan. Ol eskertýlerge álem kórmegen otpen jáne ashýmen jaýap beretinin aıtqan. Osydan keıin STAK agenttigi Soltústik Koreıa AQSH-tyń Gýamadaǵy bazasyna soqqy jasaı alatynyn eskertkeni týraly habar taratty.