Astana ákimi Áset Isekeshev qurylysshylardy kásibı merekesimen quttyqtady, dep habarlaıdy Qamshy.kz aqparat agenttigi.

Sizderdi búgingi kásibı merekelerińizben shyn júrekten quttyqtaımyn!

Astana – qysqa merzimde boı kótergen, sáýleti men dáýleti kelisken jasampaz shahar. Ol óziniń sulýlyǵymen jáne qaınaǵan qyzý tirshiligimen erekshe. Qysqa ýaqyt ishinde Bas qalamyzda zamanaýı jáne ulttyq úlgide san myńdaǵan ǵımarattar salyndy. Elordamyz Eýrazıanyń shyn mánindegi júregine aınaldy. Qalada boı kótergen kóptegen ǵımarattar tek Astananyń emes, tutas Qazaq eliniń sımvolyna aınaldy. Bul rette, Elordamyzdyń ósip-órkendeýine qurylysshylar qaýymynyń qosqan úlesi zor.

Sondyqtan osynaý mańyzdy kásip ıelerine zor densaýlyq, ashyq aspan tileımin!

İzgi nıetpen,  Áset Isekeshev