Ýkraına bıligi ýkraındyq "Iýjmash" zaýytynda daıyndalǵan zymyran qozǵaltqyshy soltústik koreıalyq balıstıkalyq zymyranda qoldanylýy múmkin emes ekenin málimdedi dep habarlaıdy Qamshy.kz aqparat agenttigi New York Times-qa silteme jasap.
Aıta keteıik, jaqynda AQSH-tyń qupıa barlaý qyzmetiniń aqparatyna súıene otyryp brıtandyq saraptaý ortalyǵy KHDR zymyran ushyrý baǵdarlamasy týraly aıtqan. Onda Phenán "Iýjmash" ýkraındyq kásipornynda shyǵatyn zymyranǵa arnalǵan qozǵaltqyshty qara bazardan satyp alynǵany týraly aıtylady.
«Bul aqparat esh negizsiz. Ol – arandatýshylyq mazmundaǵy aqparat. Ýkraına eshqashan zymyran qozǵaltqyshtaryn Soltústik Koreıaǵa jetkizgen emes», – dedi Ýkraınanyń Ulttyq qaýipsizdik jáne qorǵanys keńesiniń hatshysy Aleksandr Týrchınov.
"Iýjmashta" da atalmysh aıyptaýlardy joqqa shyǵardy. Kásiporyn ókilderi táýelsizdik alǵan jyldan beri zymyran men onyń qozǵaltqyshtaryn jasaýdy toqtatqanyn aıtady.
