Atyraý oblysynda aýyl ákimi parany tezekpen aldy dep habarlaıdy Qamshy.kz  aqparat agenttigi Atyraý oblystyq sottyń baspasóz qyzmetine silteme jasaı otyryp.

Sotta anyqtalǵandaı, azamat I. Aqsaı selolyq okrýginde jeke turǵyn úı qurylysyn júrgizip, jer ýchaskesin alýǵa ruqsat qujattaryna qol qoıdyrý úshin Aqsaı selolyq okrýginiń ákimine júgingen. Biraq ákim onyń jeke kásipker ekenin, júk kóligimen tezek satyp, tasymaldaıtynyn bilip, óziniń egindigine 30 qap tezek ákelip berýdi suraǵan. Sodan keıin ǵana qujattaryna qol qoıyp berýge ýáde etken.

Kásipker selolyq ákimniń aıtqan sharttaryn oryndaǵan. Biraq taǵy da ákimnen qajet tıis qosymsha qujattar alý kerek bolǵan. Ol úshin ákim odan taǵy 50 qap tezek ákelip berýdi suraǵan. Sóıtip ákimge berilgen paranyń kólemi aqshaǵa shaqqanda 206 750 teńgeni quraǵan.

İsti qaraý barysynda qala prokýrory men sottalýshy jáne onyń qorǵaýshysynyń arasynda kináni moıyndaý túrindegi prosestik kelisim bekitilgen.

Atyraý qalasynyń №2 sotynyń úkimimen Dosqalıev paranyń 30 eselengen mólsheri, ıaǵnı 6 202 500 teńge aıyppulǵa tartyldy. Ol ómirbaqı memlekettik qyzmette bolý quqyǵynan aıyrylyp, qylmystyq jolmen tabylǵan múlki tárkilendi.