Ońtústik Azıa elderi tolassyz jaýǵan jańbyrdan zardap shegip otyr. Sý tasqyny saldarynan 160 adam kóz jumdy. Keleńsiz jaǵdaı Nepal, Bangladesh, Úndistanda oryn aldy. Bul týraly Qamshy.kz aqparat agenttigi Reuters málimetine súıenip habarlaıdy.

Eń kóp zardap shekkender Nepalda tirkeldi. Nepalda 115 adam kóz jumdy, taǵy 38 adam is-tússiz joǵalyp ketken. Jalpy eseptegende eldiń 75 aýdanynyń 26-sy búlindi.

Bangladeshtiń soltústiginde sý tasqynynan 27 adam kóz jumdy. Jarty mıllıonǵa jýyq turǵyn óz úılerin tastap, qazir bosqyndardyń mekenin panalaýda.

Úndistannyń Bıhar shtatynda 10 adam kóz jumsa, Assam shtatynda 15 adam tabıǵı apat qurbany bolǵan.

Qutqarýshylar sý tasqyny oryn alǵan aýyldarǵa barý úshin tikushaqtar paıdalanýda.