Jaqynda Donald Tramptyń strategıalyq keńesshisi Stıven Bennon AQSH pen Qytaı arasynda ekonomıkalyq soǵystyń júrip jatqanyn habarlaǵan bolatyn. Tramp AQSH-tyń saýda-sattyq ókili Robert Laıthaızerge Qytaıdyń amerıkandyq tehnologıalardy urlaý faktisi tóńireginde zertteý júrgizýge tapsyrdy dep jazady Qamshy.kz aqparat agenttigi RIA Novostı-ge silteme berip.
Zertteý nátıjeleri aıasynda Vashıngton Qytaıdy jazaǵa tartý úshin Álemdik saýda uıymyna júginbek.
Alaıda AQSH halyqaralyq uıymnyń sheshimine qaramastan, Qytaımen aradaǵy saýda-sattyq máselesinde shekteýler qoıýy múmkin.
Eń aldymen,Amerıka Qytaı men AQSH arasyndaǵy QHR-dan keletin ımport tarıfin kóteredi. Osy oraıda Beıjin bıligi de talaptardyń qataldanýy oryn alatyn bolsa qarap qalmaıtynyn jetkizdi. Tipti, QHR SİM ókili Hýa Chýnın Vashıngtonnyń mundaı áreketteri eki el arasyndaǵy saýda soǵysyna ákeletinin málimdegen.
Qytaı men AQSH arasyndaǵy saýda defısıti 2016 jyly 347 mıllıard AQSH dollardy quraǵan. Tramp Qytaıdan ımporttalatyn taýarlardyń kólemi eksporttalatyn taýarlarǵa qaraǵanda edáýir kóp ekenin aıtyp, narazylyǵyn bildirgen.
«AQSH-qa Qytaımen saýda-sattyq kólemin shekteý Amerıka úshin osydan biraz jyl buryn ózekti bolatyn. Sebebi sol ýaqytta QHR-dyń ekonomıkalyq kórsetkishi endi-endi óse bastaǵan. Al qazirgi ýaqytta Qytaı ekonomıkasynyń ıntegrasıalanyp, álemdik naryqqa, sonyń ishinde amerıkandyq naryqqa engeni sonshalyq, odan AQSH bıznesine zıan ákelmeı bas tartý, shetteý, qysqartý múmkin emes»-deıdi analıtık Dmıtrıı Abzalov.
Qytaı taýarlaryna baj salyǵynyń kólemin ulǵaıtý arqyly qytaılyq kompanıalarǵa ǵana emes Amerıka óz kompanıalaryna zardap ákeledi. Al Qytaıdyń «aýyr» salasynyń ekonomıkasy esh zardap shekpeıdi. Máselen, Qytaıdyń AQSH-qa eksporttaıtyn bolattyń kólemi jalpy eksporttyń 3%-ǵa jetpeıtin bóligin quraıdy.
Saýda soǵysy nátıjesinde amerıkandyq bıznes Qytaı naryǵy ótimin joǵaltyp alady. QHR-dyń halyq sanynyń kóptigi men álemdik naryqtaǵy rólin, kúnnen-kúnge ósip, damyp kele jatqan tutynýshy naryǵyn esepke alǵanda, bul soǵysta bir jaqtyń jeńip shyǵýy ekitalaı. Eki memleket te jeńilis tabýy múmkin deıdi sarapshylar.
Qalaı bolǵanda da, álemdik ekonomıkanyń lıderi róli men ataǵyn alý úshin baqtalastyq týraly másele bolǵandyqtan, mundaı jaǵdaıdyń oryn alý múmkindigi aldyn-ala boljalǵandyǵyn esepke alǵanda kúres nátıjesi zardapsyz bolatynyna sený qıyn.
