Pendeshelik jasaýdyń ishine ótirik aıtý da kiredi. Biraq qazir qoǵamda jalǵan sóılep qajettiligin jasaıtyn jandar kóp. Qajettilik dep onyń ishine aqsha, dúnıe, baılyq, senim degen nárseler men zattaı qundylyqtardy jatqyzýǵa bolady. Al adamnyń ótirik aıtyp turǵanyn qalaı bilýge bolady? Ol úshin sizge eń kerek tórt ádis usynamyz, dep jazady Qamshy.kz aqparat agenttigi Massaget.kz saıtyna silteme jasaı otyryp.

Ótirik aıtqan adam ózin joqqa shyǵarýǵa tyrysady.

Máselen as úıde júrgen qyzyńyzdyń keseni syndyryp alǵanyn qalaı jetkizýine qarańyz: «Ana jaqta, as úıde kese synyp qaldy». Mine, bul – jalǵan sóz. Sebebi eshbir sebepsiz keseniń synyp qalýy múmkin emes. Al eger: «Abaısyzda syndyryp aldym» dese jáne tik qaramaı, kózin taıdyryp tursa, bul – shyndyq.

Ótirik aıtqan adamnyń daýys yrǵaǵy da ózgeredi

Myna mysalǵa nazar aýdaryńyz: «Qap, myna kólik keptelisi adamdy sharshatty. Osy úshin keshigeıin dep turmyn!». Óziniń keshikkenin kólikke otyrmas buryn, úıinde júrip jalǵan aıtqan adamnyń daýys yrǵaǵy ózgerip, ashýǵa beriledi. Syrt dúnıeni balaǵattaıdy. Al shyndyǵynda: «Keshirińiz, kepteliste turyp qaldym, keshigip baramyn» dese, bul – aqıqat.

Ótirik aıtqan adamnyń túsinik berýi tym qarapaıym 

«Men dopıng synaqtan qalaı ótpeı qalǵanymdy bilmedim...» degen sekildi tym qarapaıym ári sońy naqty emes sózderdi qoldanady. Al shyndyǵynda «ıá, men bul isti qolǵa alamyn jáne basymmen jaýap beremin, jaýapkershilikti moıynma alamyn» dep anyq jaýap berse, shynaıy áińgimege jaqyn bolar edi.

Ótirik aıtqan adam artyq sózderdi kóp paıdalanady 

Mysaly: «Men bul urylardyń bireýin de tanymaımyn. Sizdińshe, men osyndaı áreketke baratyn adamǵa uqsaımyn ba? Bul aqymaqtardy menimen teń kórmeńiz». Bul ótirik aıtyp turǵan adamnyń barynsha sendirgisi kelgen áreketi. Al shyndyǵynda: «Qurmetti sot, men urlyq bolǵan kúni úıde bala-shaǵammen boldym» dep anyq ári sabyrly túrde aıtylýy kerek.