Syrtqy ister mınıstrliginde «Qazaqstan – sheteldik BAQ kózimen» atty tórtinshi halyqaralyq baıqaý jeńimpazdaryn marapattaý rásimi ótti. Baıqaýdy QR SİM jáne Qazaqstannyń Bas redaktorlar klýby birlesip ótkizdi dep habarlaıdy Qamshy.kz aqparat agenttigi QR SİM baspasóz qyzmetine silteme jasaı otyryp.
Ázerbaıjan, Izraıl, Italıa, Kanada jáne Koreıa Respýblıkasynyń avtorlary baıqaý jeńimpazdary atandy.
Jeńimpazdardy quttyqtaı otyryp, Syrtqy ister mınıstri Qaırat Ábdirahmanov zamanaýı qoǵamdaǵy kásibı jýrnalısıkanyń mańyzdy rólin atap ótti. «Ol kópshiliktiń oı-pikirin qalyptastyratyn, iske qozǵaltatyn kúsh bolyp tanylady», – dedi ol. Bul salanyń joǵary deńgeıin, shyǵarmashylyǵyn, ádildigin ári beıtaraptylyǵyn qoldaýdy Mınıstrlik ózine abyroı sanaıdy. Q. Ábdirahmanov sheteldik jýrnalıserdi Qazaqstanda «Úshinshi jańǵyrý» sheńberinde atqarlyp jatqan saıası jáne ekonomıkalyq reformalar, sondaı-aq «Rýhanı jańǵyrý» baǵdarlamasynyń basymdyqtary týraly habardar etti.
Baıqaý týraly aıta kelip, QR Syrtqy ister mınıstri bıylǵy jylǵy ótinishter sanynyń kóbeıgenin atap ótti: Ádilqazylar alqasy 29 elden 83 jarıalanym aldy. Kóbisi Astanadaǵy «EKSPO-2017» kórmesine arnaldy. Bul sheteldik BAQ-tardyń halyqaralyq kórmege degen úlken qyzyǵýshylyǵyn rastaıdy. Osy jyldyń shilde aıynda bes óńirdiń árqaısysynan baıqaýdyń bir jeńimpazy anyqtaldy.
Ázerbaıjandyq «1news.az» aqparattyq agenttiginiń tilshisi Parvana Sýltanova TMD jáne Baltyq elderiniń avtorlary arasynan jeńimpaz bolyp tańdaldy. Eýropa elderinen jarysqa qatysqandardyń arasynan úzdik maqalany «Vocal Europe» tilshisi, Italıa azamatshasy Ilarıa Kapıtanıo jarıalady. Amerıkandyq avtorlar arasynda «Wildlives.co» resýrsynda maqala jarıalaǵan Tomas Teılor jeńimpaz atandy. «The Korea Herald» gazetiniń tilshisi Djoel Lı Azıa, Aýstralıa jáne Okeanıa elderiniń avtorlary ishinen jeńimpaz bolyp tańdaldy. Taıaý Shyǵys pen Afrıkadan «The Jerusalem Post» gazetindegi maqalasy úshin ızraıldik Ýdı Shaham jeńimpaz jarıalandy.
Madaqtama men estelik kádesyılarǵa qosa, jeńimpazdar Qazaqstanǵa, atap aıtqanda Astana, Almaty jáne Býrabaıǵa saparmen marapattaldy. Sapar barysynda qonaqtar «EKSPO-2017» kórmesine barý, Qazaqstannyń mádenı jáne tarıhı nysandary men elimizdiń zamanaýı sáýlet ónerimen, kórkem tabıǵatymen tanysý múmkindigine ıe bolady. Marapattaý saltanatynda Q. Ábdirahmanov jýrnalıserdiń Qazaqstanǵa saparyn uıymdastyrýǵa qosqan úlesi úshin baıqaý seriktesterine shynaıy rızashylyǵyn jetkizdi.
Saltanatty rásimge Bas redaktorlar klýbynyń Prezıdenti Erlan Bekqojın, dıplomatıalyq korpýs jáne baıqaý seriktester – «Qazaqstan Temir Joly» UK» AQ, «Astana EKSPO-2017» UK» AQ, QR Ulttyq olımpıadalyq komıteti, «LOT Polish Airlines» áýekompanıasy, «Rixos Borovoe» jáne «Ramada Plaza Astana» qonaqúıleri, sondaı-aq «Arǵymaq» kólik kompanıasynyń ókilderi qatysty.
«LOT Polish Airlines» avıakompanıasynyń resmı ókili Adrıan Kýbıskıı «EKSPO-2017» qarsańynda mamyr aıynda ashylǵan «Varshava – Astana» tikeleı reısiniń polák jáne eýropalyq jolaýshylar arasyndaǵy tanymaldylyǵyn atap ótti. Onyń oıynsha, halyqaralyq BAQ-tardyń Qazaqstanǵa qyzyǵýshylyǵy, osyndaı baıqaýlarǵa da oraı elimizdiń tartymdy týrısik baǵyt retinde tanymal bolýyna jaǵdaı jasaıdy.
Jeńimpazdardy Astana qalasynda akkredıttelgen Ázerbaıjan, Kanada, Italıa jáne Koreıa Respýblıkasy dıplomatıalyq mısıalarynyń basshylary men laýazymdy ókilderi de quttyqtady.
