AQSH prezıdenti Donald Tramp Aýǵansatnǵa kórsetip jatqan qoldaýynyń sheksiz emes ekenin málimdedi, dep jazady Qamshy.kz aqparat agenttigi.

«Amerıka Aýǵanstan bıligimen seriktestikti jalǵastyrady. Alaıda bizdiń taraptan kórsetiletin kómek máńgi bolmaq emes. Bizdiń qoldaýymyz – kart-blansh emes», – dedi Tramp Vashıngtonǵa jaqyn aımaqtaǵy Fort-Maıer áskerı bazasyndaǵy arnaıy úndeýi barysynda.

Tramp aıtyp ótkendeı, «Amerıka halqy naqty reforma men shynaıy nátıjelerdi kórýdi kózdeıdi».

AQSH 2001 jylǵy 11 qyrkúıekte oryn alǵan teraktiden keıin Aýǵanstanda antıterrorıstik áskerı operasıany bastaǵan. Keıinnen BUU Qaýipsizdik keńesiniń sanksıalary saldarynan NATO-nyń qolbasshylyǵymen qaýipsizdikti qamtamasyz etetin halyqaralyq kúshteri egjeı-tegjeı qaraldy. AQSH pen ISAF qolbasshylyǵyndaǵy antıterrorıstik koalasıa «Talıban» jáne «Ál-Kaıda» áskerlerimen soǵys bastady. 2014 jyly NATO elderiniń áskerı quramasy Aýǵanstannan shyǵarylǵan. 2015 jyldyń 1 qańtarynan bastap áskerı operasıa «naqty qoldaý» mısıasyna aýysty.

Ár jyldary Aýǵanstandaǵy amerıkalyq áskerlerdiń sany ártúrli boldy. Máselen, Barak Obama prezıdent bolǵan dáýirde ásker sany 100 myń adamǵa deıin jetken. Alaıda keıinnen Obama Islam respýblıkasy bıliginiń ótinishimen elde 8,4 myń ásker qaldyrdy. Olar talıbter men DAISH uıymyna qarsy arnaıy operasıa júrgizdi.

Pentagonnyń resmı deregine súıensek, 2017 jyldyń 21 tamyzynda AQSH birneshe jyldyń ishinde 2264 áskerı qyzmetkerinen aıyrylyp, 20 myńnan astamy jaralanǵan.