Eýropada terrorımzniń beleń alyp, keńinen jaıylyp ketkenine Germanıa Kansleri Angela Merkeldiń salǵyrttyǵy kináli deıdi saıasatker Aleksandr Kamkın Sputnik radıobaǵdarlamasyna bergen suhbatynda dep habaralaıdy Qamshy.kz aqparat agenttigi.

Saıasatkerdiń pikirinshe, jaqyn arada oryn alǵan birneshe terakti jaıynda Merkel de, ózge de bılik basyndaǵylar jaq ashpaǵan. Sol sebepti terorızmniń álemge keńinen jaıylýy eýropalyq toleranttyqtyń kesirinen ekenin málimdedi.

Sondaı-aq ótken jyly nemis kansleriniń óz qatesin moıyndap aıtqan sózin esine aldy. Angela Merkel ótken jyly bir sózinde Eýroodaqtyń shekaralary jetkilikti dárejede bekitilmegenin aıtqan. Shekaranyń qorǵanysyn kúsheıtýdiń ornyna nemistiń arnaıy qyzmetkerleri últra-oń jáne últra-sol partıalardyń arasynan «ishki jaýdy» izdep, áýre-sarsańǵa salynǵan edi. 2010 jylda Germanıa quqyqqorǵaý organdary eldegi ıslamshyldardyń sany nemis radıkaldarynyń jalpy sanynan asyp túskenin moıyndaǵan.

«Kelimsekterdiń jartysy – beıbitshilikti qalaıtyn halyq emes. Eýropalyq basshylardyń tuıyqtyǵynyń kesirinen memlekettiń 50%-dan kóp túrǵyny bılikke degen narazylyǵyn aıtyp júr», - dedi Kamkın.

Aıta keteıik, Eýropadaǵy sońǵy terakt 17 tamyzda Ispanıada oryn alǵan. Barselona qalasynda kólik joldan ótip bara jatqan turǵyndardy basyp ótken. Birneshe saǵattan keıin avtofýrgon Kambrılstegi bir top adamdardy basady. Odan bólek Alkanar qalasynda eki jarylys boldy. Sonyń saldarynan 17 adam qaza taýyp, 150 turǵyn aýyr halde aýrýhanaǵa jetkizilgen.