Meksıkadaǵy narazylyq sherýi báseńdemeı otyr. Kóterilisshiler bılikten osydan 2 aı buryn joǵalǵan stýdentterdi taýyp berýin talap etip, birneshe memlekettik mekemelerge shabýyl jasap, munaı óńdeý zaýyty men eldiń áýejaıynyń jumysyn toqtatyp qoıǵan. Bul týraly Qamshy.kz habarlaıdy.
Stýdenttermen birge oqytýshylar da qatysqan ereýil, Chımpalsıngo shtatynyń ortalyq genprokýratýrasyn shabýyldaǵan. Nátıjesinde birneshe ǵımaratpen kólikter janyp ketip, mekemelerdiń tereze men qabyrǵalyryn synǵan. Oǵan qosa kóterilisshiler bastaǵan joldardaǵy dúkender de jabylyp, amalsyzdan jumysyn toqtatqan.
Ereýilshiler Oahaka qalasyndaǵy áýejaıdy basyp alyp, halyqaralyq reısterdiń jóneltilýine kedergi jasasa, Salına-Krýs qalasynda 5 myńǵa jýyq adam munaı óńdeý zaýyttarynyń joldaryn japqan.
Bul jappaı kóterilis Latyn Amerıkasynyń ózge qalalarynda órship tur. Mehıko shtatynda kóteriliske 100 mekteptiń oqytýshylar men oqýshylary qatysqan. Meksıko astanasynda júzdegen adam ortalyq alańǵa shyǵyp, narazylyq sherýin uıymdastyrǵan. İshinde joǵalǵan 43 stýdenterdiń ata-analary bar.
Esterińizde bolsa, qyrkúıek aıynyń sońǵy aptasynda narazylyqqa shyqqan stýdentterdi polısıa qyzmetkerleri áketken bolatyn. Keıin anyqtalǵandaı, polıseıler stýdentterdi qylmystyq toptyń qolyna ótkizgen. Osy iske qatysty qylmystyq is qozǵalyp Igýalanyń meri men polıseı qyzmetkerleri quryqtalǵan bolatyn. Kótelisterdiń qashan basylatyny ázirge beımálim.
