At-tanf amerıkalyq bazasynda daıyndyq júrgizip jatqan jaýyngerler AQSH bıliginiń buıryǵymen DAISH terorıstik uıymyna qarý satqan. Bul týraly Sırıa sektorynyń qaýipsizdik qyzmetiniń burynǵy basshysy Mýhammad Assalam málimdedi dep habarlaıdy Qamshy.kz  aqparat agenttigi.

«AQSH tarapynan jasyryn qoldaý DAISH uıymyna qarý satý arqyly júrip otyrǵan. Bul týraly aqpardy estigen soń amerıkalyqtarǵa aıttyq. Olar óz kezeginde qoldaýlaryn odan saıyn údete tústi. Amerıkalyq qarý-jaraq, kólikter, M-16 vıntovkalaryn satty. Sońǵy tekserý barysynda amerıkalyqtarda 4,7 vıntovka kem shyqqan», – dedi Assalam RIA Novostı portalyna bergen suhbatynda.

Assalam amerıkalyq áskerı bazanyń quramyna da toqtalyp ótti. Onyń aıtýynsha, At-Tanf bazasynda DAISH-qa qarsy kúresetin sırıalyqtar bar, sonymen birge sırıalyq áskerge qarsy shabýyldaýǵa daıyn áskerler de jeterlik.

Sondaı-aq, amerıkalyq qoldaý jaıynan bólek AQSH-tyń áskerı qyzmetkerleri beıbit turǵyndarǵa eshqandaı kóńil bólmeıtinin atap ótti. At-Tanf bazasy bosqyndar lagerinen 20 shaqyrym qashyqtyqta ornalasady. Soǵan qaramastan áskerı baza terıtorıasyn 100-ge jýyq adam tastap, úkimet tarapynan baqylanatyn aımaqtarǵa ótip ketken.