2012 jylǵy 16 qarashada Izraıl memleketi men Palestına arasyndaǵy qaqtyǵystyń kúsheıgenine baılanysty, Qazaqstan Respýblıkasynyń Syrtqy ister mınıstrligi, urys saldarynan Qazaqstan azamattarynyń arasynda qaıtys bolǵan nemese zardap shekkender joq ekendigin, sonymen qatar qaqtyǵys bolyp jatqan aımaqta elimizdiń azamattary turyp jatpaǵandyǵyn habarlaıdy.
Qazaqstan Respýblıkasynyń Izraıl memleketindegi Elshiliginiń konsýldyq esebinde Izraılde turatyn 30 azamatymyz tirkelgen, al Sektor Gazada turatyn 17 azamat Qazaqstan Respýblıkasynyń Iordanıa Hashımıt Koróldigindegi Elshiliginiń konsýldyq bóliminde esepke alynǵan.
Búgingi tańda Izraıl memleketi men Palestınada turyp jatqan otandastarymyz Qazaqstan Respýblıkasyna qaıta oralý týraly ótinish jasamaǵanyn habarlaımyz.
Qaqtyǵys shılenisken jaǵdaıda Qazaqstan Respýblıkasynyń Syrtqy ister mınıstrligi tarapynan azamattarymyzdy jedel elge evakýasıalaý jospary ázirlenýde.
Qazaqstan Respýblıkasynyń Syrtqy ister mınıstrligi atalmysh jaǵdaı boıynsha qajet bolǵan jaǵdaıda habarlasý maqsatynda táýlik boıy jumys isteıtin kelesi baılanys telefondary habarlaıdy: Izraıl memleketindegi Qazaqstannyń konsýly Mustafın Erken Qýandyquly, jumys nómiri 8-10-97-203 516-34-11, 516-34-64, uıaly nómiri +972-546-071-528, elektrondyq mekenjaıy - e.mustafin@mfa.kz, Iordanıa Hashımıt Koróldigindegi Qazaqstannyń konsýly Qoıshybaev Baqytjan Serikuly, jumys nómiri 8-10-962- 6 - 592-79-53/54, uıaly nómiri +962-798-806-729, elektrondyq mekenjaıy - kazcon@orange.je
QR SİM Konsýldyq qyzmet Departamentinde atalǵan aımaqtarda turyp jatqan bizdiń azamattardyń máselelerine qatysty tómendegi qyzmetkerler aınalysatyn bolady:
Izraıl boıynsha - Ramılá Tortaeva, jumys telefony +7(7172) 72-04-86
Palestına boıynsha - Anar Knázbaeva, jumys telefony +7(7172) 72-03-07.
Qazaqstan Respýblıkasynyń Syrtqy ister mınıstrligi boıynsha kezekshi dıplomattyń telefony - (7172) 72-01-11(18.00-den keıin).
Óz kezeginde, Qazaqstan Respýblıkasynyń Syrtqy ister mınıstrligi atalmysh aımaqtarda turaqtylyq ornaǵansha elimizdiń azamattaryna bul elderge is-saparlardan bas tartýdy usynady.
QR SİM Baspasóz qyzmeti
