Soltústik Koreıada tirkelgen 6.3 baldyq jer silkinisiniń sýtegi bombasy synaǵynyń áserinen paıda bolǵany anyqtaldy dep jazady Qamshy.kz. Osyǵan baılanysty japon soǵys ushaqtary áýege kóterilgen.

Soltústik Koreıanyń ıadrolyq raketa synaǵyn jasaǵan aýmaǵynda 10 km tereńdikte tirkelgen jer silkinisiniń tabıǵı apat emes, adam áseriniń faktory ekeni anyqtalyp otyr.

Soltústik Koreıanyń 2017 jyly jasaǵan 6-ynshy ıadrolyq synaǵy basqa synaqtardan 10 ese qýatty bolǵan. Phenán bıligi joǵary deńgeıli sýtegi bombasyn jasaǵanyn habarlap, jaqyn ýaqytta mańyzdy «málimdeme» jasaýy múmkin.

Jersilkinisi Soltústik Koreıanyń soltústigindegi Qytaıdan, Ońtústik Koreıanyń astanasy Seýlge deıingi aralyqty 5-10 sekýnd arasyndaǵy silkinis retinde sezildi. Jersilkinisinen 8 mınýt ótken soń 4.6 baldyq serpindi silkinis taǵy tirkelgen.

Jersilkinisinen birneshe saǵat buryn Soltústik Koreıa Kım Chen Yn jańa bir sýtegi bombasymen kóringen. Dál osy saǵattarda Soltústik Koreıanyń keń dıapozondyq raketa synaǵy kútilgen.

Túriktiń Anadoly agenttigiń jazýynsha, AQSH prezıdenti Tramp japon Premeri Sındzo Abemen telefon arqyly sóılesip, «ulǵaıyp kele jatqan Soltústik Koreıa qaýpin qolǵa alyp jatqanyn» aıtqan.  Atalǵan málimetti Aq úıdiń baspasózdiń qyzmeti de jazbasha málimdemen rastaǵan. Málimdemede AQSH pen Japonıa lıderleriniń Soltústik Koreıaǵa qysymdy eń joǵary deńgeıge kóterý týraly ortaq pikirge toqaılasqan.

Soltústik Koreıanyń AQSH, Japonıa jáne Ońtústik Koreıaǵa baǵyttalǵan qaýpi týraly aıtqan Tramp BUU sharttary aıasynda úsh eldiń jaqyn baılanysy mańyzdy ekenin tilge tıek etken.