Byltyr Ulttyq valútamyz teńgeniń dollarǵa shaqqandaǵy qunynyń quldyraýy bıyl Reseılik rúbldiń de basyn keldi. 1 dollar 53.44 rúblge turaqtaǵan. Bul bizdiń bizdiń valútamen 181.83 teńgeni quraıdy. Reseıdegi dollardyń bulaı sharyqtaýy Qazaqstandyq kólik satyp alýshylardyń aıyn ońynan týǵyzdy. Reseıdiń otandyq avtokólikterimen qosa, sol eldegi shet eldik avtokólikterdi ońtaıly baǵada satyp alýǵa múmkindik ashylyp otyr dep habarlaıdy Kolesa.kz saıty. Bizdegi baǵamen ol jaqtaǵy qymbat kólikterdiń qunyn salystyrǵan sarapshylar shynynda birshama aıyrmashylqtardyń baryn baıqaǵan. Olardyń otandyq ónimderinen Renault Duster, Lada Priora, Hyundai Accent ( Reseıde Solaris) jáne Toyota Land Cruiser Prado avtokólikterin tańdap alyp, baǵasyn salystyrǵan.
Lada Priora Reseıde tómengi jaǵdaıda jabdyqtalǵan nusqasy 6 913 dollardan, al lúks dárejesindegiler 8 465 dollardy quraıdy. Al bul kóliktiń bizdegi quny 9 143 pen 11 630 dollardyń arasynda.
Ekinshi bizdegi « sándi» avtokólikterdiń biregeıi Hyundai Accent baǵasy mınımaldy jaǵdaıda jabdyqtalǵan nusqasy 8 837 dollardan bastalyp, joǵary deńgeıdegisi 11 895 dollardy quraǵan. Qazaqstandaǵy satylym baǵasy 14 -20 000 dollar aralyǵynda.
Renault Duster Reseıde qarapaıym jabdyqtalǵan úlgisi 9 140 dollar bolsa, lúks jabdyqtaǵysy 15 175 dollardy quraıdy. Al, Qazaqstan naryǵyndaǵy baǵasy 14,500 ben 23,700 dollar aralyǵynda.
Toyota Land Cruiser Prado 2,7-lıtrli qozǵaltqyshty kóligi qarapaıym jabdyqta - 33 000 dollarov bolsa lúks jabdyqtaǵylary 55 414 dollardy quraıdy. Qazaqstan naryǵyndaǵy kórsetkishi 52 900 men 86 100 dollar aınalasynda. Qymbat kólik qol jetimdi nársege aınaldy. Aqshań bolsa qaltańda, Reseıge qaraı taltańda.
