Búgin Almatydaǵy Baıtursynuly mýzeı-úıinde Ahmet Baıtursynulynyń ózi turǵan mýzeıge aınalǵan úı týraly kitaptyń tusaýy kesildi, dep jazady Qamshy.kz

Kitaptyń tusaý keserine Ahmet Baıtursynulynyń jıen nemeresi Aıman Baısalova, Ahmet Baıtursynulyn alǵashqy bolyp zertteýshilerdiń biri Ahmettanýshy Amanqos Mekteptegi, tusaýy kesilgen kitapqa redaktorlyq etken, M.O.Áýezov atyndaǵy Ádebıet jáne óner ınstıtýtynyń aǵa ǵylymı qyzmetkeri Gúljahan Orda jáne ádebıet súıer qaýym men stýdentter, Ál-Farabı atyndaǵy QazUÝ oqytýshylary keldi.

Kitap avtory 20 jylyn mýzeıge arnaǵan Raıhan Imahanbet. Kitap 4 bólimnen turady. Onda mýzeı-úıdiń tarıhy men mýzeı retinde bekitýli, mýzeıge aınalǵan 24 jyldaǵy qıyndyqtary men qymbat estelikteri jazylǵan. Kitap Almaty qalasy ákimdiginiń qoldaýymen basylyp shyqty. Jaýpty redaktory «Ult bolmysy» jýrnalynyń bas redaktory Gúljanar Amantaıqyzy.

Tusaýkeserge kelýshiler kitap avtory ári mýzeıdiń dırektory Raıhan Sahybekqyzyna «İri memleket qaıratkeri turǵan úıdi kóziniń qarashyǵyndaı qorǵap kele jatqany úshin zor alǵystaryn bildirdi.

Ahmet Baıtursynuly murajaıynyń alǵash uıymdastyrylýy — 1993 jyldyń 09-qyrkúıegi. Eske sala ketetin bolsaq, jaqynda ǵana Ahmet Baıtursynuly murajaıy Almaty qalasy boıynsha kıeli oryndar tizimine engen bolatyn. Mýzeı ornalasqan kóshege 1998 jyly Baıtursynuly aty berilgen.