HH ǵasyr qazaq halqy úshin eń aýyr da apatty, zulmatqa toly ǵasyr boldy. Orys ımperıasy qoldan jasalǵan zulymdyqqa toly qandy josparlary arqyly qazaq halqyn jer betinen joıyp jiberip, onyń keń baıtaq dalasyn keýdesine birjola basqysy keldi. Qara áriptermen halqymyzdyń tarıhynda qalǵan náýbetterdi derek kózderimen sóıletsek, tómendegideı qaraly kartına paıda bolady:
1. 1909-1911 jyldary: Stolypın reformasy qazaq eline de qandy tyrnaǵyn saldy.
2. 1914-1916 jyldary: Birinshi dúnıejúzilik soǵysta qazaqtardy qara jumysqa aıdap, talaılardy oqqa baılady.
3. 1917-1922 jyldary: Azamat soǵysynda qyzyldar men aqtardyń shaıqastarynda talaı aýyl joıyldy; ashtyqtan 1 mln. 500 myń adam qyryldy.
4. 1927-1931 jyldary: On myńdaǵan baılarymyz tárkilenip, ıtjekkenge aıdaldy.
5. 1931-1933 jyldary: 2 mln. 300 myń adam asharshylyqtan qynadaı qyryldy, mıllıondar bosqynshylyqqa ushyrap, shetelderge aýdy.
6. 1937-1938 jyldary: 100 myńnan asa zıalymyz qýǵyn-súrgin qurbandaryna aınaldy, atyldy, ıtjekkenge aıdaldy.
7. 1941-1945 jyldary: Ekinshi dúnıejúzilik soǵys erkekterimizdiń jartysyn jalmady.
8. 1946-1954 jyldary: Taǵy da on myńdaǵan zıaly qaýym ókilderi qýǵyn-súrginge ushyrady.
9. 1954-1956 jyldary: Tyń jáne tyńaıǵan jerlerdi tyńaıtýdy syltaýratyp soltústik óńirlerimizge Máskeý qylmyskerlerdi ornalastyrdy. 700 qazaq mektebi joıyldy.
10. 1986-1989 jyldary: Jeltoqsan, Jańaózen kóterilisteri aıaýsyz janshyldy. Buǵan táýelsizdik úshin kúreske shyqqan qazaqtardyń 300-deı basyp, janshylǵan kóterilisterin qosyńyz!
Mine, osy qaraly kartına, náýbetter keıingi urpaqqa ashshy sabaq bolýy tıis.
Eske al, umytpa bul qasiretterdi, qazaǵym!
Aıala Baıseıittiń FB paraqshasynan
