«Máńgilik el – muratym» atty 2014 jylǵy Respýblıkalyq «Altyn dombyra» ıesin anyqtalǵan aqyndar aıtysynda Meıirbek Sultanhanmen aıtysy kezinde Balǵynbek Imashevtiń júıeli sózinen úzindi.
Kisiniń keltirgenmen kúlki reńin, Qaıǵy, muń qashyrmaı ma surqyn onyń. Endeshe, Balǵynbektiń ázil emes, Qaıǵysyna qulaǵyn túrsin elim. Azǵyndyq, alaýyzdyq, arsyzdyqtyń, Qaısysynan bastasam da irkilemin. Qytaı, káris, úndige tıip jatqan, Qyzdaryń buzǵan joq pa ult reńin. Qyzyna qyryq úıden tıym qoıǵan, Qalaısha umyt boldy ǵurpyń elim. Shymyldyqqa jasyryp sulýlaryn, Tegin taza saqtaǵan túrkim ediń. Jalǵyz qyzdyń ary úshin azamaty, Jaý japyryp kiretin jurtym ediń Al búgin azamattyń ózi de áıel, Qas julynyp, boıaldy kirpik, erin. Qaıran, elim qazaǵym bul zamanda, Basyńa úıirildi bulty neniń? Jatqa ketken qyzynyń jatyrynda, Jaýlar ósip jatqanyn bilsin elim Qara qasqa qytaıǵa qatyn bolǵan, Qaryndasty kórgende kúrsinemin. Myń-mıllıon qumyrysqa qursaǵyna, Ileý salyp jatqandaı túrshigemin.
