Qazaqstan Respýblıkasy Mádenıet jáne sport mınıstrligi Tilderdi damytý jáne qoǵamdyq-saıası jumys komıteti 20-shy qazanda «Memlekettik tildi úıretý: ádis, tájirıbe, ınovasıa» respýblıkalyq semınaryn ótkizedi dep habarlaıdy Qamshy.kz aqparat agenttigi.
Semınardyń maqsaty – memlekettik tildi oqytýdyń ádistemesin jetildirý, ozyq tájirıbeni zerdeleý jáne qorytý, oqytýdyń ınovasıalyq ádisteri men tehnologıalaryn tájirıbege engizý.Q R Prezıdenti N.Á.Nazarbaevtyń «Bolashaqqa baǵdar: rýhanı jańǵyrý» atty baǵdarlamalyq maqalasyndaǵy latyn álipbıine ótýdiń mańyzdylyǵyn talqylap, oqý-ádistemelik sharalar men jumystardy baǵdarlaý.
Semınarǵa QR Mádenıet jáne sport mınıstrligi Tilderdi damytý jáne qoǵamdyq-saıası jumys komıtetiniń qyzmetkerleri, ádisker ǵalymdar, til mamandary, Astana, Almaty qalalary jáne oblys ortalyqtaryndaǵy memlekettik tildi oqytý ortalyqtarynyń mamandary qatysady.
Semınar barysynda ádisker-ǵalymdar memlekettik tildi oqytýdyń tıimdi tehnologıalary men ádis tásilderimen bólisedi. Tilderdi oqytý ortalyqtary men respýblıkaǵa belgili ǵalymdar tildiń ózekti máseleleri jaıynda baıandama jasap, ádiskerler úzdik sabaq úlgilerin kórsetedi.
