AQSH-tyń burynǵy prezıdenti Djımmı Karter Soltústik Koreıaǵa baryp, el basshysy Kım Chen Ynmen kezdesýdi josparlady, dep jazady Qamshy.kz aqparat agenttigi.

1994 jyly basshylyqta Karter bolǵan ýaqytta AQSH pen KHDR arasynda alǵashqy ıadrolyq daǵdarystan shyǵatyn Jeneva kelisimine qol qoıylǵan.

«Djımmı Karter Soltústik Koreıanyń basshylyǵymen kezdesýdi qalaıdy», - dep keltirdi «Chýnan ılbo» gazeti Kartermen kezdesken Djordjıa shtaty ýnıversıtetiniń profesory Pak Han Sıktiń aıtqanyn.

Aıta ketý kerek, 1950-1953 jj. Koreı soǵysyndaǵy kelisimge qol qoıylǵannan keıin búginde KHDR men AQSH-tyń arasy shıelenisip tur. Sońǵy ýaqytta Vashıngton men Phenán arasyndaǵy qaqtyǵystyń shıelenisýine KHDR-dyń ıadrolyq zertteýlerdi toqtatýdan bas tartqany sebep boldy.