Amnesty International halyqaralyq zań uıymy Mánmanyń Rakhaın shtatynda áskerılerdiń adamzatqa qarsy qylmys jasaǵanyna senimdi dálelder bar ekenin málimdedi, — dep habarlaıdy Qamshy.kz aqparat agenttigi kazislam.kz saıtyna silteme jasaı otyryp.

Uıymnyń jańa esebine sáıkes, Mánmada jappaı zorlyq-zombylyq, qastandyq, zorlaý, qysym kórsetý jáne musylmandardy áskerılerdiń kúshimen qýyp shyǵý faktilerine qatysty kóptegen derekter bar. Amnesty International uıymy BUU Qaýipsizdik keńesinen Mánmaǵa qarý kirgizýge tyıym salýǵa jáne azıalyq memlekettiń joǵary shendi tulǵalaryna sanksıa jarıalaýǵa shaqyrdy.

Uıym málimetinde Mánmada júzdegen er, áıel adamdar men rohınályq balalar jappaı jáne júıeli qyryp-joıý qurbanyna aınalǵany atap kórsetilgen. Bul esep 150 kýágerdiń, spýtnıktik derekterdiń, foto-beınematerıaldardyń negizinde jınaqtalǵan.

Amnesty International uıymynyń Mánma boıynsha zertteýshi mamany Laýra Haıdyń aıtýynsha, eldegi rohınályqtarǵa qarsy qylmys Mánmada turatyn kachın, shan jáne palaýng sekildi etnıkalyz azshylyq qaýymdarǵa jasalatyn qastandyqtarǵa uqsas. Ol Mánma áskerıleri zańsyz áreketterge baryp otyrǵanyn, sondaı-aq eshkimniń aldynda esep bermeıtinderin atap kórsetti.