Kezdesýde Memleket basshysy elimizde ótetin halyqaralyq is-sharalar barysynda qaýipsizdikti qamtamasyz etýdiń mańyzdylyǵyn aıtyp, «EKSPO-2017» mamandandyrylǵan kórmesin ótkizgen kezde quqyq qorǵaý qurylymdarynyń sapaly jumys atqarǵany úshin taǵy da alǵys bildirdi, dep jazady Qamshy.kz aqparat agenttigi.

Bul týraly Aqordanyń baspasóz qyzmeti habarlady.

– Men arnaýly jáne quqyq qorǵaý organdarynyń qyzmetkerlerine «EKSPO-2017» kórmesin ótkizgen kezde úılesimdi jumys júrgizgeni úshin alǵys aıttym. Olar tártip pen qaýipsizdikti qamtamasyz ete aldy, sondyqtan kórmege kelgen barlyq qonaqtar tarapynan jaqsy baǵa berildi, – dedi Nursultan Nazarbaev.

Sondaı-aq, Kárim Másimov elimizdegi qazirgi ahýal men ulttyq qaýipsizdikti qamtamasyz etý úshin qabyldanyp jatqan sharalar týraly baıandady.

– El ishindegi ahýal turaqty. Astanada «EKSPO-2017» kórmesin ótkizý kezinde arnaýly jáne quqyq qorǵaý qyzmetteri óz mindetterin joǵary deńgeıde atqara bildi, – dedi Ulttyq qaýipsizdik komıtetiniń tóraǵasy.

Sońynda Qazaqstan Prezıdenti birqatar naqty tapsyrma berdi.