Shaıtan-bazar al da sat, ala dúbir. 
Tánin satyp qyz da júr, ana da júr. 
Ómir súrgim kelmeıdi bul ǵasyrda,
Bul ǵasyrǵa 
haıýanyń, hanyń da bir.

Jamandyqtyń yrqyna kóne tura,
Jaqsylyqtan min izdeıtin.
Tildeıtin. 
Dos ta bolǵym kelmeıdi adamdarmen
Adamdardy adamsyndy kórmeıtin.

Al bireýdiń óktem shyqsa daýysy,
"Eı,kimsiń? Ornyńdy bil!"- deıtin. 
Qaryndasy bolǵym da joq aǵanyń,
Aǵalyqtyń ne ekenin bilmeıtin.

Saýyty joq batyrsymaq kóp erler,
Bórik túgil taqıa da kımeıtin.
"Men senen de alyppyn ǵoı - dep bıik"
Bıiktigi "tili" ekenin bilmeıtin.

Altynynan yrshyp túsken asyldy,
Tirisinde qadirine jetpeıtin. 
Ólgeninde janashyrdyń keıipinde
Shyn ómirde bir duǵa da etpeıtin.

Jaǵymsyný jáne onyń syıqysy.
Syrty bútin bolǵanymen kúıki ishi,
Dúnıekońyz boq jıyǵany bolmasa,
Kiii-isi bolyp qalatyny keı kisi.

Shaıtan-bazar, shybyn jan, ala dúbir,
Al men sat dep shal da júr, bala da júr.
Qansha arpalys bolsa da, maıdan ómir,
Bolsynshy tek han da bir, qara da bir.


Úmit Nuraddın