Qazaqstan Prezıdenti Nursultan Nazarbaev jumys saparymen Ýkraınaǵa attanyp ketti. Bul týraly búgin QR Prezıdenti janyndaǵy Ortalyq komýnıkasıalar qyzmetiniń baspasóz qyzmetshisi Áset Muqajanov málim etti.

"Búgin Nursultan Ábishuly Nazarbaev Ýkraınaǵa resmı saparmen ushyp ketti. Sapar aıasynda Qazaqstan Prezıdenti Ýkraına basshylyǵymen kelissóz júrgizedi.  23 jeltoqsanda Máskeýde Qazaqstan, Armenıa, Belarýs, Qyrǵyzstan, Reseı jáne Tájikstan prezıdentteriniń qatysýymen UQSHU Ujymdyq qaýipsizdik keńesiniń kezekti sesıasy ótedi", - dedi ol.

Sonymen qatar, onyń aıtýynsha, 25 jeltoqsanda Memleket basshysy «Qazaqstandy jańasha ındýstrıalandyrý: 2014 jyldyń jáne birinshi besjyldyqtyń qorytyndylary» atty jalpyulttyq telekópir sharasyna jáne «Altyn sapa» syılyǵynyń laýreattaryn saltanatty marapattaý rásimine qatysady dep josparlanyp otyr.

Ol sondaı-aq 2015 jyly 1 qańtarda iske qosylatyn EAEO-nyń qarsańynda Qazaqstan, Reseı, Belarýs, Armenıa jáne Qyrǵyzstan prezıdentteriniń qatysýymen Joǵary Eýrazıalyq ekonomıkalyq keńestiń memleket basshylary deńgeıindegi otyrysy bolatynyn habarlady.

"QazAqparat"