Qytaıdaǵy ortalyq halyq radıostansıasynyń qazaq tilindegi radıosy 2015 jyly 1 qańtardan bastap arnaýly tolqynmen 18 saǵat boıy baǵdarlama taratady. bul Qytaıdaǵy bir jarym mıllıon qazaq úshin taǵy bir úlken qýanysh bolmaq.

Qytaı, Uıǵur, Qazaq, Koreı, Tıbet, Mońǵul tilderinde taratylatyn ortalyq radıosy Qytaıdaǵy eń ulken radıostasıasy. Atalǵan radıonyń Qytaı tilinde baǵdarlama taratýy 1949 jyly jeltoqsannan bastaý alsa, qazaq tilindegi radıosy 1971 jyly 1 mamyrda efırge kóterilgen bolatyn. Bastabynda bir saǵat baǵdarlama taratqan qazaq tilindegi radıo qaz-qaz basqan qadamyn nyqtaı júrip, 2014 jylǵa kelgende kúnine 7 saǵat baǵdarlama taratatyn órege jetti.

sońǵy kezderi Qytaı úkimetiniń aqparat medıalaryn qoldaý tebinin arttyrýyna baılanysty ortalyq halyq radıostansıasynyń Qazaq tilindegi radıosy qoı jylynyń qańtar aıynan bastap, arnaýly efırde 18 saǵat boıy baǵdarlama taratý mumkindigine ıe boldy. Sonymen Qytaıda keler jyldan bastap, kúnine 18 saǵat boıy qazaq tilinde baǵdarlama taratatyn 2 radıo jumys isteıdi. Munyń biri Shynjań Uıǵur Avtonomıaly ólkesiniń ortalyǵy Úrimji qalasynan taratylatyn Shynjań halyq radıostansıasy, al endi biri Qytaıdyń astanasy − Pekınnen taratylatyn ortalyq halyq radıostansıasynyń qazaq tilindegi radıosy.

Esterińizge sala keteıik, Qytaıdaǵy Qazaqtarda Qazaq tilinde shyǵatyn 10 nan astam gazet (munyń tórteýi kún saıyn, aptasyna jeti kúni boıy shyǵatyn basylym bolyp tabylady), 50 ge jýyq jýrnal bar. Shynjań telearnasynyń úshinshi, segizinshi jáne on ekinshi arnasy qazaq tilinde taratylady. Sonymen birge, qazaq tilinde jumys isteıtin 200 ge jýyq saıt, 6 baspa bar.

Sýrette: keler jyly qańtardan bastap qazaq tilinde 18 saǵat boıy baǵdarlama taratatyn radıonyń tusaýkeser saltanaty.

Qalıákbar Úsemhanuly