Búgin, 30 qazanda jetinshi halyqaralyq Sırıa kelissózine qatysatyn memleketterdiń delegasıasy Qazaqstan astanasyna jınaldy. Bul týraly QR SİM habarlady, dep jazady Qamshy.kz aqparat agenttigi.

Kún tártibindegi máselelerdi talqylaý úshin ekijaqty jáne kópjaqty kezdesýler ótkiziledi. «Plenarlyq májilis 31 qazannyń ekinshi jartysyna josparlandy», - delingen QR SİM habarlamasynda.

Sırıa jónindegi kezdesýge BUU bas hatshysynyń arnaıy ókili Staffan de Mıstýra qatyspaıdy. Bul týraly QR SİM bas hatshysy Ánýar Jaınaqov habarlady.

QR Syrtqy ister mınıstrliginiń málimetinshe, Reseı delegasıasyna RF Prezıdentiniń Sırıa jónindegi arnaıy ókili Aleksandr Lavrentev, Túrkıa delegasıasyna syrtqy ister mınıstriniń orynbasary Sedat Onal, Iran delegasıasyna syrtqy ister mınıstriniń orynbasary Hýseın Djaberı Ansarı basshylyq etedi.

Aldaǵy kezdesýge Súrıa úkimetiniń jáne súrıalyq opozısıanyń, sondaı-aq baıqaýshy retinde BUU, AQSH jáne Iordanıanyń ókilderi qatysady.

Astanadaǵy Sırıa jónindegi jetinshi halyqaralyq kezdesý 30-31 qazanǵa josparlanǵan. Kelissózder barysynda qatysýshylar kepildikke alynǵandardy, tutqyndardy bosatý, qaza bolǵandardyń denesin berý jáne joǵalǵan adamdardy izdestirý jónindegi jumys tobynyń erejesin bekitýdi josparlap otyr. Sondaı-aq halyqaralyq terorızmmen kúres máselesi de kún tártibindegi basty máselelerdiń biri.