Qazaqstan Ýkraınaǵa gýmanıtarlyq kómek jiberedi, - dep habarlaıdy Tengrinews.kz tilshisi QR Syrtqy ister mınıstrliginiń baspasóz qyzmetine silteme jasap.

Baspasóz qyzmetiniń málimetinshe, 2014 jylǵy 19 jeltoqsan kúni QR Úkimetiniń "Ýkraınanyń ońtústik-shyǵys aımaqtaryna gýmanıtarlyq kómek kórsetý týraly" qaýlysy qabyldandy. "Qazaqstan Respýblıkasynyń Prezıdenti N.Á. Nazarbaevtyń Ýkraınanyń ońtústik-shyǵys aımaqtaryna gýmanıtarlyq kómek joldaý týraly sheshimin oryndaý maqsatynda Qazaqstan Respýblıkasynyń Úkimeti qarjylyq jáne materıaldyq resýrstar bóldi", - delingen habarlamada.

Qaýlyǵa sáıkes, elimizdiń memlekettik materıaldyq rezervinen jalpy somasy 69 727 875 teńge bolatyn azyq-túlik Ýkraınaǵa joldanatyn bolady. 

2014 jyly 6 qazanda QR Syrtqy ister mınıstrligi Ýkraınanyń gýmanıtarlyq qajettilikteri úshin Qyzyl krestiń Halyqaralyq komıtetine 30 myń AQSH dollaryn Qazaqstannyń múshelik jarnasy retinde tóleý úrdisin aıaqtady.

Sýret: kazpravda.kz