Reseı prezıdenti Vladımır Pýtın túrmege qamalǵan musylmandar quqyǵynyń buzylýyna qatysty pikir bildirdi dep jazady Qamshy.kz aqparat agenttigi sheteldik BAQ-qa silteme jasaı otyryp.

Bas bostandyǵynan aıyrylǵan reseılik musylmandarǵa jasalyp otyrǵan zańsyzdyq týraly memleket basshysyna Azamattardyń quqyǵy jónindegi keńestiń  qyzmetkeri Maksım Shevchenko aıtyp berdi.

«Men  túrmedegi reseılik musylmandarǵa qatysty jasalǵan zańsyzdyqty eske sala keteıin. Reseılik musylmandarǵa ádeıi shoshqa etinen tamaq berip, ǵıbadat jasaýyna kedergi jasaıdy, sonymen birge kúshtep saqalyn alyp tastaıdy. Buǵan qatysty kóptegen dálelder bar», — dedi Shevchenko.

Óz kezeginde Pýtın bul máseleni qaraýsyz qaldyrmaıtynyn, tekserý jumystaryn qadaǵalaıtynyn aıtty.

«Bul — tym shekten shyǵý. Bul máseleni tez arada sheshý kerek. Mindetti túrde tekserý jumystaryn qadaǵalaıtyn bolamyn», — dep málimdedi Pýtın.