Búgin oblys ákiminiń ókimimen Qazaqstan Respýblıkasy Prezıdenti Ákimshiliginiń kelisimi negizinde Qyzylorda oblysy ákiminiń orynbasary laýazymyna Raýan Kenjehanuly taǵaıyndaldy.
Raýan Kenjehanuly 1979 jyly Shyǵys Qazaqstan oblysynda dúnıege kelgen. Abaı atyndaǵy Almaty memlekettik ýnıversıtetin - halyqaralyq qatynastar mamandyǵy boıynsha, Reseı Federasıasynyń Úkimeti janyndaǵy Halyq sharýashylyǵy akademıasyn - iskerlik ákimshilik masteri mamandyǵy boıynsha, sondaı-aq, AQSH-taǵy Garvard ýnıversıtetiniń Halyqaralyq qatynastar ortalyǵynyń Dj. Kennedı atyndaǵy basqarý mektebin bitirgen.
Eńbek jolyn 1998 jyly Ulttyq debat ortalyǵynda koordınator retinde bastaǵan. 2002-2005 jyldary «Habar» agenttiginiń Aqparattyq baǵdarlamalar dıreksıasynyń redaktory, Reseı Federasıasy boıynsha menshikti tilshisi, 2005-2006 jyldary Qazaqstan Respýblıkasynyń Reseı Federasıasyndaǵy Elshiliginde ekinshi jáne birinshi hatshy, 2006-2009 jyldary «Qazaqstan» respýblıkalyq teleradıokorporasıasynyń Mańǵystaý oblystyq fılıalynyń dırektory, Mańǵystaý oblysy ákiminiń qoǵamdyq-saıası máseleler jónindegi keńesshisi, 2010-2011 jyldary AQSH-taǵy Garvard ýnıversıtetinde lıngvısıka departamentiniń oqytýshysy bolyp qyzmet atqarǵan. 2011 jyldan osy kezge deıin «Bilim Media Group» kompanıasynyń dırektory qyzmetin atqaryp keldi. Qazaq, orys aǵylshyn jáne túrik tilderin jetik meńgergen.
Aımaq basshysy Q.Kósherbaev Raýan Kenjehanulyn jańa qyzmetine sáttilik tilep, osy kezge deıin jınaqtaǵan mol tájirıbesin Syr óńirin órkendetýge jumsaıtynyna senim bildirdi.

Osy oraıda Raýan Kenjehanulyn "Qamshy" aqparattyq portalynyń atynan quttyqtaımyz.