AQSH-tyń qylmystyq isterdi tergeý agenttigi «kópshilik bilýi tıisti emes málimetterdiń» tarap ketpeýin qadaǵalap, Robertti tekserýden ótkizetindikterin málimdegen. Robert O Nıl ózin 2011 jylǵy operasıa kezinde «Al Kaıda» terorıstik uıymynyń kósemin atyp óltirgenin málimdegen bolatyn.

   Robert Ben Ladendi óltirgeni týraly Esquire jýrnalyna bergen suhbatynda aıtqan. Ol merziminen buryn qyzmetinen bosap, áleýmettik tólemaqylardan aıyrylýy sebepti bul aqparatty jarıalaǵan bolatyn. «Biz Ben Ladenniń bólmesine basyp kirdik, qasymdaǵy seriktesimniń oǵy múlt ketti, men eki márte bastan attym deıdi,»-deıdi Robert.

Robert O Nıl Aýǵanstan men Irakty qosqanda 4 jerde áskerı jóneltilimde bolǵan. 400-deı operasıaǵa qatyssa, jeke ózi 30 adamdy mert qylǵan. Qaza tapqandardyń ishinde Ýsama Ben Laden de bar.

AQSH-tyń barlaý agenttikteriniń málimetinshe Ýsama ómiriniń sońǵy jyldary Abbotabad qalasynda eki áıeli jáne balalarymen birge turǵan. Birde-bir ret aýla syrtyna shyqpaǵan. Ýsama Amerıkalyq áskerılerdiń reıdi barysynda 2011 jyldyń 2 mamyrynda óltirilgen bolatyn.