Bas Prokýratýra Keńesiniń depýtaty Ómirbek Babanovtyń ústinen qylmystyq is qozǵaldy, — dep habarlaıdy Qamshy.kz aqparat agenttigi Sputnik Qyrǵyzstan saıtyna silteme jasaı otyryp. Babanovqa qarsy qylmystyq isti Qyrǵyzstan bas prokýratýrasy qozǵaǵan.

Qyrǵyzstan bas prokýratýrasy tergeýge deıingi tekserý kezinde Joǵarǵy Keńestiń depýtaty Ó.Babanovtyń 2017 jyly 28 qyrkúıek kúni saılaýaldy naýqany barysynda Osh qalasy Ámir Temir aýdanynyń negizinen ulty ózbek turǵyndarymen kezdeskeni belgili boldy. Babanov olardyń daýystaryn alý maqsatynda, kezdesý kezinde etnıkalyq ózbekterdiń quqyǵy shekteletini, elde ulttar teńdigi joq ekeni, memlekettik organdar tarapynan ózbekterge qysym jasalatyny týraly pikirler aıtyp, mundaı jaǵdaıǵa belsendi túrde qarsylyq kórsetýge shaqyrǵan anyqtaldy.

Qyrǵyz bas prokýratýrasy qylmystyq istiń Qyrǵyzstannyń Ulttyq qaýipsizdik komıtetine joldanǵanyn jazady.

Ómirbek Babanovtyń ózi buǵan deıin álgi kezdesýde aıtqan sózderi burmalanǵanyn, elektrondyq BAQ betterinde taraǵan vıdeolardyń «montajdalǵanyn» aıtqan. 

Aıta ketetin bolsaq, Qyrǵyzstan ortalyq saılaý komısıasyna Babanovqa qarsy 19 aryz túsip, komısıa oǵan saılaýǵa 4 kún qalǵanda úshinshi ret eskertý bergen bolatyn.

Babanovtyń saılaý shtaby áleýmettik jelilerde taraǵan vıdeo «jalǵan» jáne «montajdalǵan» dep málimdegen.