Meksıkada sońǵy 15 jyldaǵy eń iri munaı ken orny tabyldy. Ol Verakrýs shtatynda ornalasqan. Aldyn ala zertteý nátıjeleri kórsetkendeı, mundaǵy alǵashqy qor kólemi 1 jarym mıllıard barelge baǵalanyp otyr. Bul týraly Qamshy.kz aqparat agenttigi Rıa Novostı málimetine súıenip habarlaıdy.
Jańa oryn «Iksachı-1» dep atalady. Aldaǵy ýaqytta munda qara altyn óndirile bastaýy tıis. Jergilikti bıliktiń málimdeýinshe, bul jumystar áldeqaıda jyldam júrgiziledi ári arzanǵa túsedi. Óıtkeni «Iksachı-1» ınfraqurylymy jaqsy damyǵan munaı ken oryndaryna jaqyn ornalasqan.
Aıta ketken jón, Meksıka OPEK quramyna kirmeıtin elder qatarynda iri munaı óndirýshi sanalady.
