Mıhaıl Hadarkovskıı Ýkraınadaǵy «Maıdanda» qaıtys bolǵan reseılik áskerıler men eriktilerdiń resmı tizimin jarıalady. Tizimde 227 famılıa tirkelgen.
Bul kórsetkish 2014 jyldyń mamyr men qarasha aılarynda qaza tapqandardyń sany. Tizim Ýkraınanyń Qorǵanys Mınıstrliginiń deregi boıynsha jasaqtalǵan. Bul týraly «Ashyq Rossıa» jazady.
Donbasstaǵy dúmpýge issaparmen talaı márte kelgen «Komersant» basylymynyń arnaıy korespondenti Ilá Barabananovtyń aıtýynsha tirkelgen famılıalardyń kóbisi tanys eken. Ilá Barabanov qaza tapqan reseılikter jaıynda jýrnalısik zertteý júrgizgen bolatyn.
Basylym bul tizimniń de tolyqqandy naqty sıfr emes ekenin aıtady. Jeltoqsan aıynyń basynda reseılik quqyq qorǵaýshy, «Grýz-200» ǵalamtor basylymynyń negizin qalaýshy Elena Vasıleva Ýkraınanyń shyǵysynda reseılik áskerılerden kemi 5000 adam qaza tapty degendi aıtady. Alaıda reseılik resmı organdar qaza tapqandar týraly málimetti jarıalamaı otyr.
