Tahıra Begým únemi tańerteńgisin aýrý ata-anasy men 4 baýyrynyń turmystyq qajettiligin óteý úshin birneshe shaqyrym júrip, otyn jınap, ot jaǵady, — dep jazady Qamshy.kz aqparat agenttigi sheteldik BAQ-qa silteme jasaı otyryp. Ol Bangladesh pen Mánma shekarasynda ornalasqan arnaıy bosqyndarǵa arnalǵan lagerde turady.  Al arqasyna jınalǵan aýyr otynmen qaıtadan úıge kelý qıynnyń qıyny. Bul 10 jastaǵy rohındjalyq musylman qyz úshin eń aýyr synaq.

«Aýrý ata-anam tańerteń otyn jınaı almaıdy, al baýyrlarym áli kishkentaı. Sol sebepti bul jumystardy ózim jasaýǵa týra keledi. Ata-anam meniń kómegimsiz tipti júrip-tura almaıdy», — dep óz ómiri týraly aıtyp berdi.

Tahıra kúnde otynnyń artylyp qalǵanyn arnaıy bazarda satyp, aqsha tabady. Sonymen birge ol lagerdegi jalǵyz qudyqtan úıine sý tasıdy.

Keıde Tahıranyń sińlisi ápkesin kóndirip balalarǵa arnalǵan alańǵa barady. Bul alańdy IýNISEF qarjylandyryp otyr. Arnaıy balalarǵa arnalǵan alańda balalar kitap oqyp, sýret salyp, oıyn oınaıdy. Biraq 10 jastaǵy Tahıra  ózine artylǵan úlken jaýapkershilikti sezinip, bul alańda kóp otyrmaıdy. Alaıda ol sýretteri bar kitaptardy qaraǵandy jaqsy kóredi.

Aıta ketetin bolsaq, BUU-nyń resmı málimeti boıynsha, bosqyndarǵa arnalǵan lagerdegi balalardyń 7,5 %-y ólim aýzynda jatyr.