Elbasy Memleket qarjysyn jymqyrǵandarǵa aıaýshylyq tanytpaıdy. Barmaq basty, kóz qysty áreketterdiń oryn almaýyn UQK, qarjy polısıasyna jáne prokýratýra uıymdaryna qatań qadaǵalaıtyn boldy.

«Árbir memlekettik qyzmetkerdiń mınıstrden bastap, vıse-prezıdent,aımaq ákimderi, kompanıa dırektorlarynyń jumys kúnderi qurylys nysandarynyń jaı-kúıin tekserýmen bastalýy qajet. Qarjynyń qalaı jumsalyp, ıgerilip jatqanyn óz kózimen kórip, jemqorlyq áreketterdiń oryn almaýyn qadaǵalaýy qajet. Memleket qaltasynan shyqqan qarjynyń talan-tarajǵa salynbaı jumysqa jumyldyrylýyn tekserý kerek. Urlyq ústi ustalǵandardy qatań jazalaýdy tapsyramyz,»-dedi Elbasy «Qazaqstannyń jańa ındýstrıalandyrýy: 2014 jyldyń qorytyndysy men 5 jyldyqtyń nátıjesi» atty telekópirde.

Sondaı-aq basshylyqqa ınfrastrýktýralyq jınalys-kezdesýlerdi «jyly kabınette» emes qurylys nysandarynyń basynda ótkizýdi qadap aıtty.

Jańa tehnologıanyń kómegimen men kabınetime ekran ornatamyn. Onda tetikti basqanda ár oblystyń ahýalyn,qurylys jumystarynyń qarqynyn baqylap turý úshin. Premer-mınıstrlerge de aıtarym sol. Osyndaı qatań qadaǵalaýdyń arqasynda ǵana jetistikke jetemiz. Infrastrýktýralyq nysandardyń jobasy belgilendi, jaǵdaı jasaldy, qarjy bólindi, endi aıanbaı eńbek etý ǵana qaldy,»-deıdi Elbasy.