Qanat Islam qazaqstandyq «Jyl tańdaýy» jobasynyń nusqasy boıynsha jyldyń úzdik sportshysy atandy, dep Qamshy.kz aqparat agenttigi QazAqparatqa silteme berip jazady. Bul týraly Qanat Islamnyń PR-menedjeri Berik Sultan Facebook jelisindegi paraqshasynda jazdy.

«Qanat Islam «Jyl tańdaýy» jobasynyń nusqasy boıynsha jyl sportshysy atandy. Kásipqoı rıngte 25 kezdesý ótkizip barlyǵynda jeńiske jetken, onyń 20-syn nokaýtpen utqan ultymyzdyń maqtanyshy, WBA intercontinental, WBO NABO chempıondyq belbeýiniń ıegeri Qanat Islam «Qazaqstandaǵy №1 jyl tańdaýy» - «Altyn adam» syılyǵynyń laýreaty jáne «Jyl sportshysy» atandy», - deıdi Berik Sultan.

Eske sala keteıik, birinshi orta salmaqta judyryqtasatyn Qanat Islam sońǵy jekpe-jegin Astana qalasynda Brendon Kýkke qarsy ótkizip, 9-shy raýndta tehnıkalyq nokaýtpen jeńiske jetken bolatyn. Sóıtip otandasymyz birinshi orta salmaqtaǵy WBO, NABO jáne WBA Inter-Continental chempıondyq belbeýlerin qorǵap qaldy.