Qazaqstan Respýblıkasy Parlamenti Senatynyń Halyqaralyq qatynastar, qorǵanys jáne qaýipsizdik komıtetiniń Tóraıymy Darıǵa Nazarbaeva QR Syrtqy ister mınıstrligi qyzmetiniń máseleleri boıynsha Qoǵamdyq keńestiń jańa tóraıymy bolyp saılandy, dep habarlaıdy Qamshy.kz aqparat agenttigi QR SİM baspasóz qyzmetine silteme jasap.
Keńestiń kezekti otyrysy 15 qarashada SİM-de ótti. D. Nazarbaeva osy laýazymda Parlament Senatynyń depýtaty Birǵanym Áıtimovany aýystyryp, Áıtimovaǵa Keńesti basqara otyryp atqarǵan jumysy úshin alǵys bildirdi.
Óziniń kirispe sózinde D. Nazarbaeva osy saladaǵy zamanaýı talaptar men jahandyq trendterge jaýap beretin syrtqy saıası vedomstvo men azamattyq qoǵamnyń tikeleı baılanysyn qamtamasyz etý Qoǵamdyq keńestiń basty mindeti bolyp qalatynyn atap ótti.
Kún tártibine sáıkes, Syrtqy ister mınıstri Qaırat Ábdirahmanov BUU Bas Assambleıasynyń 72-shi sesıasyna qazaqstandyq delegasıanyń qatysý nátıjelerin, sondaı-aq Qazaqstannyń BUU Qaýipsizdik Keńesindegi músheligi basymdyqtary jóninde tolyq baıandap berdi.
Mınıstrlik beıbitshilik pen qaýipsizdikti qoldaý jónindegi jahandyq uıymdaǵy óziniń qyzmetinde osy jyldyń qańtar aıynda BUU QK-niń ashyq pikirtalastarynda aıtylǵan Prezıdent N.Á.Nazarbaevtyń «Qaýipsiz, ádil jáne gúldengen álem qurý úshin jahandyq áriptestikti nyǵaıtýǵa qazaqstandyq tujyrymdamalyq kózqarasy» atty arnaıy saıası úndeýiniń negizgi qaǵıdalaryn basshylyqqa alady.
«Qazaqstan óziniń Qaýipsizdik Keńesindegi músheligin, ulttyq múddelerimizdi ilgeriletý úshin, eń bastysy, BUU tarıhynda Qaýipsizdik Keńesinde tuńǵysh ret usynylyp otyrǵan Ortalyq Azıada turaqtylyq pen qaýipsizdikti nyǵaıtý úshin paıdalanýda», - dep habarlady Q.Ábdirahmanov.
Vedomstvo basshysy basty taqyryptary Ortalyq Azıa jáne Aýǵanstan boıynsha qarardy ilgeriletý, sondaı-aq terorızmge qarsy is-qımyl máseleleri bolyp tabylatyn 2018 jyldyń qańtardaǵy BUU QK-degi Qazaqstan tóraǵalyǵyna daıyndyǵy týraly habarlady.
Sonymen qatar, otyrys barysynda Keńestiń basty baǵyttary boıynsha jumys nátıjeleri týraly esepter tyńdaldy. Atap aıtqanda, «Qazaqstannyń Internet Qaýymdastyǵy» ZTB Prezıdenti Shavkat Sabırov óziniń sózinde Qoǵamdyq keńes jumysynyń aqparattyq-ımıdjdik baǵyty boıynsha nátıjelerin baıandap berdi.
SİM Syrtqy saıası taldaý men boljamdaý departamentiniń dırektory Álim Qırabaev jáne QR Prezıdenti janyndaǵy Qazaqstandyq strategıalyq zertteýler ınstıtýtynyń dırektory Zarema Shaýkenova jumystyń taldamalyq-saraptaý jaǵyn iske asyrý nátıjeleri boıynsha baıandady. Qazaqstan Respýblıkasynyń 2014-2020 jyldarǵa arnalǵan Syrtqy saıası tujyrymdamasynyń qoldanylý merzimi 2019 jyly aıaqtalatyny aıtyldy. Osyǵan baılanysty QR SİM men QSZI saraptama qoǵamdastyqpen birge syrtqy saıasattyń jańa Tujyrymdamasyn jasaýǵa kiristi. Otyrys qatysýshylarynyń ortaq pikirinshe, halyqaralyq úderisterdiń buryn bolmaǵan týrbýlenttiligi men joǵary serpinine baılanysty qujattyń jańa redaksıasynda qazaqstandyq syrtqy saıasatynyń keıbir baǵyttarynyń beıimdelýi talap etiledi. Qujattyń mazmunyn sapaly tekseristen ótkizilgeni, al negizgi tarmaqtary jáne taraýlary basty álemdik jáne aımaqtyq trendterine sáıkes bolýy tıis.
«Qazaqstandyq dıplomattardyń birlestigi» RQB múshesi Bolat Nurǵalıev «Syrtqy saıası qyzmetindegi shyǵyndarynyń únemdeý rezervteri týraly» taqyrybyna baıandama jasady. İs-shara barysynda, «QAZGZÝ Ýnıversıteti» AQ-nyń Halyqaralyq quqyq ortalyǵynyń qyzmetkeri men oqytýshysy Lılıa İspenbetova «Halyqaralyq quqyq ortalyǵy men Qoǵamdyq keńesi yntymaqtastyǵynyń negizgi baǵyttaryn iske asyrý» taqyrybyna baıandamasyn usyndy. Atalǵan ózara is-qımyl ú.j. qańtardaǵy sońǵy otyrys barysynda qol qoıylǵan QR SİM jáne «KAZGÚÝ ýnıversıteti» AQ arasyndaǵy yntymaqtastyq týraly memorandýmyn iske asyrý sheńberinde júrgiziledi.
Bıyl 25-jyldyǵy atap ótiletin Qazaqstan Respýblıkasy dıplomatıalyq qyzmetiniń nyǵaıtýy men damýyna qosqan úlesi úshin D.Nazarbaevaǵa tıisti mereıtoılyq medal tabys etildi.
Qoǵamdyq keńestiń QR SİM qyzmetiniń máseleleri jónindegi kezekti otyrysy 2018 jyldyń kóktemine josparlandy.
