Reseılik bloger Nıkolaı Podoskorskıı ǵylymı zertteýlermen bólisti. Onda dinı otbasynan shyqqan balalardyń ózderimen qurdas ateıserge qaraǵanda qatygezdeý keletini dáleldengen. Ǵylymı zertteý ádisi tómendegideı.

Buryndary psıhologtar senimdi tylsym oılardyń bir túri dep kórsetken. Búginde din dárejesi adam tárbıelenetin mádenı ortaǵa baılanysty dep dáleldeıdi. Birneshe jyl buryn Chıkago ýnıversıtetiniń ǵalymdary ǵylymı tájirıbe júrgizgen. Tájirıbe barysynda alty memlekettiń – Kanada, Qytaı, Iordanıa, Ońtústik Afrıka, Túrkıa jáne AQSH elderiniń 5 jastan 12 jasqa deıingi myńdaǵan balalaryn tekserdi.

Qatysýshylarǵa eń aldymen qamqorlyq pen meıirimdilik baǵalanatyn «Dıktator» psıhologıalyq oıynyn oınatady. Balalarǵa on japsyrma qaǵazyn taratyp, ózi tanymaıtyn balalarmen bólisýi tıis ekeni aıtylady. Kelesi tapsyrmada balalardyń aıyptaýshylyǵy men janashyrlyǵy baǵalanatyn qysqa metrajdy múltfılmder kórsetildi, onda bir keıipker ekinshi keıipkerdi ádeıi nemese baıqaýsyzda ıterip jiberedi.

Anketany qatysýshylardyń ata-analary da toltyrdy. Olar otbasyndaǵy senim men dinge degen kózqarastaryn, moral men ádildik týraly túsinikterin jazdy.

Tájirıbe barysynda dinı otbasynan shyqqan balalar sarańdyq tanytqan, ózderine taratqan japsyrmalardy ózge balalarǵa bermeı, olardyń is-áreketterin aıyptaı bastaıdy. Jáne sol balalardyń jazalaýyn talap etken, dep jazady zertteý avtorlary.

«Budan shyǵatyn qorytyndy – dinshil otbasynan shyqqan balalar meıirimdi bolady degen túsinik joqqa shyǵyp otyr. Bizdiń tájirıbe boıynsha dinshil emes ári ateıser otbasynda tárbıelengen balalar janashyr bolyp shyqty», - dedi zertteý avtorlarynyń biri Jan Desetı.

Sondaı-aq «dinshil ata-analar balalaryn meıirimdilikke, ádildik pen adaldyqqa úıretedi, alaıda balalardan mundaı qasıetter baıqalmaıdy, - dep qorytyndylady zertteý tájirıbesiniń nátıjesin.